Կինը մասնակցել էր բաց ֆոտոսեսիայի․ ամուսնու ցնցող հաղորդագրությունը լուսանկարչին փոխել է շատերի կյանքը

Լուսանկարիչ Վիկտորիա Կարոլինա Հելթոմը մասնագիտացված է կանանց ֆոտոսեսիաներում։ Նրան դիմել է ամուսնացած 40-ամյա կին։ Հելթոմի խոսքով, կինը շատ գեղեցիկ կազմվածք է ունեցել։ Լուսանկարիչը հիացած էր նրա գեղեցկությամբ։ Բայց կինն այդպես չէր կարծում․․․ Նրա գլխավոր խնդրանքը եղել է լուսանկարները «Ֆոտոշոփ» ծրագրով մշակել այնպես, որպես որևէ թերություն նկատելի չլինի։ Հելթոմը համաձայնել է։

Աշխատանքի ավարտից որոշ ժամանակ անց ննա հաղորդագրություն է ստացել էլ․ փոստին։ Հաղորդագրությունը գրել էր ամուսինը, ով դժգոհ էր լուսանկարներից։ Ամուսինների թույլտվությամբ լուսանկարիչը հաղորդագրությունը հրապարակել է սոցցանցերում։

«Գրում եմ Ձեզ, քանզի տեսել եմ կնոջս լուսանկարները, որոնց Դուք եք հեղինակել։ Անմիջապես ցանկանում եմ ասել, որ մտադիր չեմ Ձեզ ինչ-որ հարցում մեղադրել։ Կնոջս հետ ամուսնացած եմ 18 տարի, ունենք 2 չքնաղ երեխա։ Համատեղ կյանքում եղել են թե՛ վերելքներ, թե՛ վայրէջքներ։ Գիտեմ, որ կինս լուսանկարներն արել է ինձ համար, որպեսզի նորից կայծ առաջացնի մեր հարաերություններում։ Երբեմն նա դժգոհում է, որ ես դադարել եմ հիանալի իրենով։ Ժամանակ առ ժամանակ նա ասում է, որ ինձ չի մեղադրի, եթե ավելի եիտասարդ կին գտնեմ։

Երբ տեսա լուսանկարները, սիրտս անմիջապես «պաղկվեց»։ Այս լուսանկարները․․․ այո, նրանք գեղեցիկ են․․․ Բայց դա իմ կինը չէ։ Դուք վերացրել եք նրա բոլո «փոքրիկ թերությունները»․․․Չնայած՝ գիտեմ, որ դա խնդրել է կինս, Դուք ջնջել եք բոլոր դետալները, որոնք կազմում էին մեր կյանքը։ Երբ վերացրել եք մաշկի որոշ անհարթություններ, «ջնջել» եք մեր երեխաների ծնունդի փաստը։ Երբ վերացրել եք կնճիռները, խլել եք մեզնից մոտ 20 տարվա ուրախություն ու տխրություն։ Երբ ջնջել եք ցելյուլիտը, ջնջել եք նաև նրա սերը թխվածքաբլիթների նկատմամբ, որոնք մենք միասին կերել ենք այս ընթացքում։

Չեմ մեղադրում Ձեզ, որ արդյունքն այդքան սարսափելի է ստացվել (իմ կարծիքով)։ Դուք կատարել եք Ձեր աշխատանքը, և ես հասկանում եմ Ձեզ։ Իրականում ես գրում եմ Ձեզ, որպեսզի ասեմ շնորհակալություն։ Նայելով այս լուսանկարներին, հասկացա, թե որքան քիչ եմ նրան ասում, որ սիրում եմ նրան և հիանում եմ նրանով այնպիսին, ինչպիսին կա։ Նա այնքան հազվադեպ է լսում այս խոսքերը, որ սկսել է կարծել, որ ֆոտոշոփի ենթարկված լուսանկարներն այն են, ինչը կվերադարձնի իմ սերը դեպի նա։ Դա ամբողջովին իմ մեղքն է։ Խոստանում եմ ուղղվել ու ամեն օր նրան ասել, թե որքան հիանալի է նա։ Շնորհակալություն հիշեցման համար»։

Հելթոմը խոստովանել է, որ այս հաղորդագրությունը կարդալուց հետո երկար ժամանակ չէր կարողանում դադարել լացել։ Կինը բոլոր կանանց կոչ է արել փոխել վերաբերմունքն իրենց «փոքրիկ թերությունների» նկատմամբ․ «Հավատացեք, ձեզնից յուրաքանչյուրը գեղեցիկ է յուրովի»,- ասել է Հելթոմը։