Սառնարանների պահեստում բռնկված հրդեհը 5 օր անց մարվել է (ֆոտո)

Past.am

Օգոստոսի 24-ին, ժամը 07:54-ին Երեւան քաղաքի Արշակունյաց պողոտայի 9/2 հասցեում գտնվող «Ձյունիկ սառնարան» ՍՊԸ-ի շենքի հրդեհը մարվել է:

 

Կտրվի լրացուցիչ տեղեկություն:

 

Հիշեցնենք, որ օգոստոսի 19-ին, ժամը 13:54-ին Երեւան քաղաքի Արշակունյաց պողոտայի 9/2 հասցեում գտնվող «Ձյունիկ սառնարան» ՍՊԸ-ի սառնարանային շինության 3-5 հարկերում (յուրաքանչյուր հարկը՝ 740 քմ) հրդեհ էր բռնկվել։

 

Դեպքի վայր էին մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ եւ մեկ ավտոսանդուղք: Անհրաժեշտությունից ելնելով՝ դեպքի վայր էին մեկնել եւս երկու մարտական հաշվարկ, ինչպես նաեւ Աղետների բժշկության կենտրոնի հերթապահ բժիշկը, ճգնաժամային կառավարման ազգային կենտրոնի արտակարգ իրավիճակների արձագանքման խումբը, այնուհետեւ՝ եւս մեկ մարտական հաշվարկ:

 

Հրդեհաշիջման աշխատանքներում ներգրավվել են ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատից 11 մարտական հաշվարկ, մարզային փրկարարական վարչության հրշեջ-փրկարարական ջոկատի օպերատիվ խումբը, փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը եւ 5 ավտոսանդուղք:

 

Օգոստոսի 22-ին շարունակվել էին «Ձյունիկ սառնարան» ՍՊԸ-ի շենքում բռնկված հրդեհի հրդեհաշիջման աշխատանքները:

 

Աշխատանքներին մասնակցում էին ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատից 12 մարտական հաշվարկ, 5 ավտոսանդուղք, փրկարարական ուժերի վարչության հատուկ նշանակության փրկարարական աշխատանքների իրականացման կենտրոնից փրկարարական ջոկատը, ճգնաժամային կառավարման ազգային կենտրոնի արտակարգ իրավիճակների արձագանքման եւ մարզային փրկարարական վարչության օպերատիվ խմբերը, ինչպես նաեւ Աղետների բժշկության կենտրոնի հերթապահ խումբը:

 

Հրշեջ-փրկարարների անձնուրաց աշխատանքի շնորհիվ հաջողվել է կրակի օջախներից դուրս բերել մի քանի հարյուր տոննա տարբեր տեսակի եւ նշանակության ապրանքներ եւ բեռներ:

 

Հրդեհաշիջման աշխատանքների ընթացքը պարբերաբար զեկուցվում էր ԱԻ նախարար Ֆ. Ցոլակյանին: 

 

Արդեն օգոստոսի 23-ին, ժամը 11:30-ի դրությամբ ««Ձյունիկ սառնարան» ՍՊԸ-ի շենքի 5-րդ հարկում ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատից 11 մարտական հաշվարկ (55 փրկարար), 4 ավտոսանդուղք իրականացնում են հրդեհաշիջման աշխատանքներ:

 

Հրդեհը մեկուսացվել է ժամը 15:15-ին: