ՊԱՏՄՈՒԹՅԱՆ ԱՅՍ ՕՐԸ (3 ՍԵՊՏԵՄԲԵՐԻ)․ Դաշնակցությունը հրավիրել է հանրահավաք և լուրջ մտահոգություններ հայտնել

ОБЩЕСТВО 3 Сентябрь, 2019 14:34

ՏՈՆԵՐ

Ավստրալիա՝ Դրոշի օր, Իրան՝ Անգլիական զավթիչների դեմ պայքարի օր, Կատար՝ Անկախության օր, Չինաստան՝ Ճապոնիայի դեմ հաղթանակի օր, Ռուսաստան՝ Համերաշխության և ահաբեկչության դեմ պայքարի օր, Սան-Մարինո՝ Հանրապետության հիմնադրման օր, Թունիս՝ Անկախության համար պայքարի օր, Կանադա՝ Առևտրային նավատորմի օր, Մոլդովա՝ Ազգային բանակի օր:

ՀԱՅ-ՀԱՅԱՍՏԱՆ

1804-ռուս-թուրքական պատերազմի ընթացքում ռուսական զորքերը դադարեցրել են Երևանի բերդի պաշարումը և վերադարձել Վրաստան:

1828- հայազգի նշանավոր գեներալ Վ. Մադաթովի 2000-անոց զորաջոկատը Շամխորի մոտ ծանր պարտության է մատնել ԱբբասՄիրզայի 10-հազարանոց զորքին:

1941 - ծնվել է հայկական և հրեական ծագումով ռուսաստանցի սպա, գրող Սերգեյ Դովլաթովը (Դովլաթյան), որը համարվում է ռուսաստանյան ամենաընթերցվող ու ամենաշատ հրատարակվող գրողներից: Նրա գործերը թարգմանվել են աշխարհի ավելի քան 30 լեզուներով:

1952- ծնվել է բանաստեղծ, թարգմանիչ Հակոբ Մովսեսը

1967- ծնվել է թուրքահայ նշանավոր տնտեսագետ Տարոն Աճեմօղլուն։

1947- ծնվել է ճանաչված ֆուտբոլիստ Լևոն Իշտոյանը։

1968- վախճանվել է աղբյուրագետ, հնագետ, բանասեր և թարգմանիչ Լեոն Մելիքսեթ-Բեկը:

1983- ծնվել է ճանաչված շախմատիստ, գրոսմայստեր Գաբրիել Սարգսյանը։

2009-Հայ հեղափոխական դաշնակցությունը մայրաքաղաքի Շարլ Ազնավուրի անվան հրապարակում անցկացրած հանրահավաքում հնչեցրել է իր մտահոգությունները հայթուրքական հարաբերություններում վերջին զարգացումների կապակցությամբ:

2011-Վիկ Դարչինյանը հաղթանակով է ավարտել իր առաջին մենամարտը հայրենիքում՝ պարտության մատնելով հարավաֆրիկացի Էվանս Մբամբային։

2015- Տավուշի մարզի սահմանամերձ գյուղերում լարված իրավիճակ է եղել: Գիշերը գնդակոծվել է սահմանամերձ 20 գյուղ, Վազաշենում վիրավորվել է երեք քաղաքացիական անձ:

ԱՇԽԱՐՀ

36 մ.թ.ա.- տեղի է ունեցել ճակատամարտ Նավլոխուի մոտ (Սիցիլիա): Ագրիպպի ղեկավարած Օկտավիանոսի նավատորմը ջախջախել է Սեկստա Պոմպեոսի նավատորմը, որը վերջ է դրել Պոմպեոսի և Օկտավիանոսի միջև ընթացող քաղաքացիական պատերազմին:

301- ըստ ավանդության, հիմնադրվել է Սան Մարինո պետությունը, որը Եվրոպայի հնագույն պետություններից է։

863 - Լալակաոնի ճակատամարտում Բյուզանդիան հաղթել է արաբներին:

1189 - Անգլիայում թագադրվել է Ռիչարդ Առյուծասիրտը՝ Ռիչարդ 1-ինը:

1260- Պաղեստինյան Աին-Խալուտ տարածքում մամլ յուքները ջախջախել են մոնղոլներին: Դա Մոնղոլական Կայսրության առաջին պարտությունն էր:

1658- վախճանվել է անգլիական հեղափոխության առաջնորդ, նշանավոր զորավար և պետական գործիչ Օլիվեր Կրոմվելը։

1783 - Մեծ Բրիտանիան ճանաչել է Միացյալ Նահանգների անկախությունը:

1791 - Ֆրանսիայում առաջին անգամ ընդունվել է Սահմանադրությունը:

1812-Անգլիայում աշխարհում առաջին անգամ գործարանային պայմաններում արտադրվել է պահածոների առաջին խմբաքանակը:

1864 - նիտրոգլիցերինով փորձեր կատարելիս պայթյունը ավերել է Ալֆրեդ Նոբելի ստոկհոլմյան լաբորատորիան, զոհվել են նրա հինգ օգնականները և փոքր եղբայրը:

1883-վախճանվել է ռուս գրող, հրապարակախոս, թատերագիր և թարգմանիչ Իվան Տուրգենևը:

1932 - Սկսվել է Մոսկվայի անվան ջրանցքի շինարարությունը:

1939 - Մեծ Բրիտանիան, Ֆրանսիան, Հնդկաստանը, Ավստրալիան և Նոր Զելանդիան պատերազմ են հայտարարել Գերմանիային:

1943 - սկսվել է հակագերմանական կոալիցիայի զորքերի ափհանումը Իտալիայում:

1950 - իտալական Մոնց քաղաքում ավարտվել է «Ֆորմուլա-1» առաջին մրցաշարը:

1953- ուժի մեջ է մտել Եվրոպայի Խորհրդի կողմից կազմված՝ Մարդու իրավունքների եվրոպական կոնվենցիան։

1967- Շվեդիան անցել է աջակողմյան երթևեկության:

1996- ԱՄՆ-ը Իրաքում սկսել է «Հարված անապատում» ռազմական գործողությունը։

2008 - Նիկարագուան ճանաչել է Աբխազիայի և Հարավային Օսիայի անկախությունը:

2009 - Լոս Անջելեսում տեղի է ունեցել Մայքլ Ջեքսոնի հուղարկավորությունը:

Կամո Խաչիկյան

ՊԱՏՄՈՒԹՅԱՆ ԱՅՍ ՕՐԸ (3 ՍԵՊՏԵՄԲԵՐԻ)․ Դաշ­նակ­ցու­թյու­նը հրա­վի­րել է հան­րա­հա­վաք և լուրջ մտահոգություններ հայտնել

ՊԱՏՄՈՒԹՅԱՆ ԱՅՍ ՕՐԸ (3 ՍԵՊՏԵՄԲԵՐԻ)․ Դաշնակցությունը հրավիրել է հանրահավաք և լուրջ մտահոգություններ հայտնել