ՊԱՏՄՈՒԹՅԱՆ ԱՅՍ ՕՐԸ (13 ՍԵՊՏԵՄԲԵՐԻ)․ Պաշ­տո­նա­պես մեկ­նար­կել է Հյու­սիս-հա­րավ ավ­տո­մայ­րու­ղու շի­նա­րա­րու­թյու­նը

ՏՈՆԵՐ ԵՎ ՀԻՇԱՏԱԿԻ ՕՐԵՐ

Շոկոլադի համաշխարհային օր, Բրազիլիա՝ Կաշաս ալկոհոլային խմիչքի (շաքարեղեգից ստացվող թունդ խմիչք) ազգային օր, Մեքսիկա՝ Հերոս-երեխաների հիշատակի օր, ԱՄՆ՝ Ցելիակիայի (աղեստամոքսային տրակտի հիվանդություն) դեմ պայքարի ազգային օր:

ՀԱՅ-ՀԱՅԱՍՏԱՆ

1913-վախճանվել է հայ երգիծաբան-նովելիստ Առանձարը (Միսաք Գոյումճյան)։

1922– թուրքական բանակի կողմից քաղաքի զավթումից, հույն և հայ բնակչության կոտորածից 4 օր անց սկսվել է Սմիռնայի (Զմյուռնիայի) 4 օր տևած մեծ հրդեհը, որը փաստացի հույն-թուրքական պատերազմի վերջն է դարձել։

1962 – ծնվել է բանասեր և թարգմանիչ Արամ Թոփչյանը:

1963- վախճանվել է վավերագրական ֆիլմերի հայ կինոռեժիսոր և սցենարիստ Վիլ յամ Հայկազյանը:

1990- ադրբեջանական ՕՄՕՆ-ը նռնականետերի, ականանետերի և ուղղաթիռների օգնությամբ սկսել է Մարդակերտի շրջանի Չափար գյուղի գրոհը, որի արդյունքում զոհվել է գյուղի 6 բնակիչ:

1995-Հայաստանը դիվանագիտական հարաբերություններ է հաստատել Մոզամբիկի հետ:

2004-ամերիկացի մեծահարուստ Քըրք Քըրքորյանը վերջին 35 տարվա ընթացքում երրորդ անգամ վաճառել է «Մեթրո գոլդվին մեյեր» (MGM) հոլիվուդյան ընկերությունը: «Սոնի» ճապոնական հսկան համաձայնել է վճարել մոտ 3 միլիարդ դոլար եւ մարել ընկերության` 2 միլիարդի հասնող պարտքը:

2007-Ազգային ժողովը գլխավոր դատախազ է ընտրել գործող գլխավոր դատախազ Աղվան Հովսեփյանին:

2011-«Ժառանգությունը» դադարեցրել է խորհրդարանի նիստերի բոյկոտը և ավելի քան 6 ամսվա դադարից հետո խմբակցությունը վերադարձել է խորհրդարան։

2012-տեղի է ունեցել Երևան-Արարատ մայրուղու շինարարության հիմնարկեքի արարողությունը, որը հանդիսանում է Հյուսիս-հարավ ավտոմայրուղու շինարարության պաշտոնական մեկնարկ:

2013-Հայաստանի գլխավոր դատախազ Աղվան Հովսեփյանը հրաժեշտ է տվել պաշտոնին՝ ժամկետը լրանալու պատճառով։ 2016- Կարեն Կարապետյանը նշանակվել է Հայաստանի վարչապետ:

ԱՇԽԱՐՀ

81 —վախճանվել է հռոմեական կայսր Տիտ Ֆլավիոս Վեսպասիանը:

533– Դեցիմի ճակատամարտում Բելիսարիուսը վանդալներից գրավել է Կարթագենը:

1087 – ծնվել է Բյուզանդիայի կայսր Հովհաննես Բ Կոմնենոսը:

1501 –Միքելանջելոն սկսել է ստեղծել Դավիթի մարմարյա արձանը:

1601 – ծնվել է ֆլամանդացի նկարիչ Յան Բրեյգել Կրտսերը:

1736 - Ռուսաստանում հիմնվել է Չել յաբինսկ քաղաքը:

1592– վախճանվել է ֆրանսիացի քաղաքական գործիչ, փիլիսոփա, էսսեիզմի հիմնադիր Միշել դը Մոնտենը:

1624 վախճանվել է Քարթլիի թագուհի Կետևանը:

1819– ծնվել է գերմանացի դաշնակահարուհի և կոմպոզիտոր Կլարա Շումանը՝ Ռոբերտ Շումանի կինը:

1872- վախճանվել է գերմանացի փիլիսոփա Լյուդվիգ Ֆոյերբախը:

1874– ծնվել է ավստրիացի կոմպոզիտոր, երաժշտական տեսաբան, գրող, նկարիչ, գյուտարար Առնոլդ Շյոնբերգը:

1906-կայացել է առաջին ինքնաթիռի թռիչքը Եվրոպայում:

1929- անգլիացի գիտնական-մանրէաբան Ալեքսանդր Ֆլեմինգը ներկայացրել է իր հայտնագործությունը՝ պենիցիլինը:

1956– IBM ընկերությունը թողարկել է առաջին կոշտ սկավառակը:

1968- Ալբանիան դուրս է եկել Վարշավայի պայմանագրի կազմակերպությունից:

1977- Վախճանվել է իռլանդա-լեհական ծագումով բրիտանացի, ապա՝ ամերիկացի ռեժիսոր Լեոպոլդ Ստոկովսկին:

1996– վախճանվել է ամերիկացի ռեփ երգիչ և կինոդերասան Թուփաք Շակուրը:

1999 –Մոսկվայի Կաշիրյան մայրուղու բնակելի 8 հարկանի տան նկուղում տեղի ունեցած պայթյունը հողին է հավասարեցրել տունը, 124 բնակիչ զոհվել է, 7-ը ստացել է վնասվածքներ: Ոչ ոք իր վրա չի վերցրել ահաբեկչական գործողության պատասխանատվությունը:

2008 –Դելլիում տեղի են ունեցել ահաբեկչական հինգ սինխրոնիզացված գործողություններ, որոնց արդյունքում զոհվել է 30 մարդ և վիրավորվել մոտավորապես 100-ը:

2013 —Ռուսաստանի Նովգորոդ քաղաքի հոգեբուժական պանսիոնատում բռնկված հրդեհի արդյունքում 37 մարդ է զոհվել:

Կամո Խաչիկյան