ՊԱՏՄՈՒԹՅԱՆ ԱՅՍ ՕՐԸ (18 ՍԵՊՏԵՄԲԵՐԻ)․ Փլուզ­վել է 1790 թվա­կա­նին կա­ռուց­ված Սուրբ Մի­նաս եկե­ղե­ցու տա­նի­քը

ՏՈՆԵՐ ԵՎ ՀԻՇԱՏԱԿԻ ՕՐԵՐ

Ջրի որակի մոնիթորինգի համաշխարհային օր, Զոհված մոտոցիկլիստների հիշատակի համաշխարհային օր, Չիլի՝ 1810 թվականի առաջին կառավարության հիշատակի օր, Իրան՝ Պարսկական երաժշտության և պոեզիայի օր:

ՀԱՅ-ՀԱՅԱՍՏԱՆ

1895- հնչակյանները Կոստանդնուպոլսի Բաբը Ալի (Բարձր դուռ) հրապարակում կազմակերպել են խաղաղ ցույց՝ նպատակ ունենալով թուրքական կառավարությանը հարկադրել կենսագործելու «մայիսյան բարենորոգումները», սակայն թուրքական ոստիկանությունը, զորքը և մահակներով զինված խուժանը հարձակվել են ցուցարարների վրա՝ կոտորելով մոտ 2000 հայի:

1895– ծնվել է Հռոմի կաթոլիկ եկեղեցու հայազգի գործիչ, կուրիալ կարդինալ, Հայ Կաթողիկե եկեղեցու կաթողիկոս-պատրիարք Գրիգոր-Պետրոս Աղաջանյանը:

1908 – ծնվել է աշխարհահռչակ աստղագետ և աստղաֆիզիկոս Վիկտոր Համբարձումյանը:

1910-ծնվել է նկարիչ Հարություն Կալենցը:

1918 –ծնվել է արվեստաբան, արվեստագիտության թեկնածու Լևոն Ազարյանը:

– Ֆրանս-հայկական համաձայնագրի հիման վրա ստեղծված Հայկական լեգեոնը Պաղեստինում ֆրանսիական բանակի կազմում մասնակցել է իր առաջին ճակատամարտին:

1939- վախճանվել է դրամատուրգ, մշակութային գործիչ Էմին Տեր-Գրիգորյանը:

1988- ադրբեջանաբնակ Խոջալու գյուղով անցնելիս քարկոծվել են գյուղատնտեսական աշխատանքներից վերադարձող հայ ուսանողներով լեցուն ավտոբուսները, որոնք մեկնում էին Ստեփանակերտ: Արդյունքում մեկ մարդ զոհվել է, իսկ ավելի քան 40-ը ստացել են վնասվածքներ:

2003- Հայաստանի կառավարությունը հինգ տարի ժամկետով Ռուսաստանի էլեկտրաէներգետիկ մենատիրոջը՝ «ՌԱՕ» ընկերությանն է փոխանցել Մեծամորի ատոմային էլեկտրակայանի հավատարմագրային կառավարումը։

2007- մեկնարկել են ռուս-ադրբեջանաամերիկյան բանակցությունները, որի օրակարգում Գաբալայի ռադարային կայանը ամերիկացիների հետ համատեղ շահագործելու մասին Մոսկվայի առաջարկն էր:

2014-Թբիլիսիի հայկական Հավլաբար թաղամասում փլուզվել է 1790 թվականին կառուցված Սուրբ Մինաս եկեղեցու տանիքը:

2016- Հայաստանի 317 համայնքներում կայացել են տեղական ինքնակառավարման մարմինների ընտրություններ:

ԱՇԽԱՐՀ

53 – ծնվել է Հռոմի կայսր Տրայանոսը:

96-Դոմիցիանոսի սպանությունից հետո Հռոմի կայսր է հայտարարվել Մարկ Կոկցեյ Ներվան:

1698 –Բաստիլ է տեղափոխվել «երկաթե դիմակով» խորհրդավոր բանտարկյալը:

1709 –ծնվել է անգլիացի գրող Սեմուել Ջոնսոնը:

1793 –ԱՄՆ նախագահ Ջորջ Վաշինգտոնը դրել է առաջին քարը կառուցվող Կապիտոլիումի հիմքում:

1783 –վախճանվել է նշանավոր մաթեմատիկոս Լեոնարդ Էյլերը:

1819 – ծնվել է ֆրանսիացի ֆիզիկոս Լեոն Ֆուկոն, որը հաշվարկել է լույսի արագությունը, ստեղծել է հիրեսկոպ և ֆուկոյի ճոճանակ:

1810– Չիլին անկախացել է Իսպանիայից:

1851 –լույս է տեսել «Նյու Յորք Թայմս» օրաթերթի առաջին համարը, որի արժեքը 2 ցենտ էր:

1905– ծնվել է շվեդ հայտնի դերասանուհի Գրետա Գարբոն:

1907 –ծնվել է ամերիկացի ֆիզիկոս և քիմիկոս, Նոբել յան մրցանակակիր Էդվին Մակ միլանը:

1909- վախճանվել է ֆրանսիացի ինժեներ, ճարտարապետության պատմաբան և տեսաբան Օգյուստ Շուազին:

1911- վախճանվել է Ռուսական Կայսրության պետական գործիչ և վարչապետ Պյոտր Ստոլիպինը:

1932 –թագավորներ Հիդջազան և Նեջդա Աբել Ազիզը միավորել են իրենց թագավորությունները, նոր երկիրը կոչվել է Սաուդյան Արաբիայի Թագավորություն:

1947 –ԱՄՆ-ում ռազմաօդային ուժերը դարձել են առանձին զորատեսակ և ստեղծվել է ԿՀՎ-ն:

1961-ԽՍՀՄ ֆիզիկայի ինստիտուտի լ յումինիսցենցիայի լաբորատորիայում գործարկվել է արհեստական ռուբինի բյուրեղով աշխատող առաջին լազերը:

1961– ծնվել է ֆրանսիացի գիտաֆանտաստիկ ժանրի գրող, փիլիսոփա և միլիոնատեր Բերնար Վերբերը:

1970 –վախճանվել է ամերիկացի կիթառահար, երգիչ և կոմպոզիտոր Ջիմի Հենդրիքսը:

1976 —Չինաստանում տեղի է ունեցել Մաո Ցզեդունի հուղարկավորությունը:

1976– ծնվել է բրազիլացի ճանաչված ֆուտբոլիստ Ռոնալդոն:

2009-Ճապոնիայում հայտնաբերվել է անգամ վիրուսներին, նաև խոզի գրիպի վիրուսին ոչնչացնող ախտահանիչ նյութ:

2014- կայացել է Շոտլանդիայի անկախության հանրաքվեն:

Կամո Խաչիկյան