ՊԱՏՄՈՒԹՅԱՆ ԱՅՍ ՕՐԸ (27 ՍԵՊՏԵՄԲԵՐԻ)․ Բաց­վել է Սան­տա Կլա­ուս­նե­րի ուսուց­ման առա­ջին դպրո­ցը

ՏՈՆԵՐ

Զբոսաշրջության համաշխարհային օր, Ծովի համաշխարհային օր, Մեքսիկա՝ Անկախության պատերազմի ավարտի օր, Բելգիա՝ ֆրանսիախոս հասարակության օր, Ռուսաստան՝ Նախադպրոցական հաստատությունների աշխատողների օր, Մոնղոլիա՝ Հեռուստատեսության օր:

ՀԱՅ-ՀԱՅԱՍՏԱՆ

1829– Ֆրիդրիխ Պարրոտն ու Խաչատուր Աբովյանը առաջին անգամ բարձրացել են Արարատի գագաթը:

1914– վախճանվել է նշանավոր ֆիդայի, ազգային ազատագրական շարժման գործիչ Նիկոլ Դումանը:

1950 – ծնվել է նկարիչ Հենրի Գարուկյանը, որը կատարել է ներկայացումների, ամսագրերի, ինչպես նաև ինտերիերի ձևավորումներ կերամիկայի, գոբելենի և քանդակի ժանրերում։

1976 – վախճանվել է հայ մեխանիկ, Երևանի պոլիտեխնիկական ինստիտուտի բարձրագույն մաթեմատիկայի ամբիոնի վարիչ Արտավազդ Մխիթարյանը, որի ղեկավարությամբ կատարվել են Սևանա լճի պրոբլեմի լուծման հիմնարար հետազոտություններ։

2004– Երևանի քաղաքային խորհուրդը հաստատել է Երևանի դրոշը:

2005– վախճանվել է հայ խորհրդային դիվանագետ, պատմական գիտությունների դոկտոր Վիկտոր Իսրայեյանը:

2006-Կալիֆորնիայի նահանգապետ Առնոլդ Շվարցնեգերը ստորագրել է Հայոց ցեղասպանությունից տուժածների կամ նրանց հետնորդների իրավունքների պաշտպանությանն ուղղված օրենք: Համաձայն օրենքի, Հայոց ցեղասպանությունից տուժած անձինք կամ նրանց հետնորդները, ովքեր բնակվում են Կալիֆորնիայում, կարող են դատական գործ հարուցել նահանգային դատարաններում կամ շարունակել արդեն սկսված դատը ընդդեմ ֆինանսական հաստատությունների, որոնք հրաժարվում են վերադարձնել ցեղասպանությունից առաջ հայերի ներդրած գումարները կամ գողացված ապրանքների համարժեք գումարները:

2008- Մայր Աթոռ Սուրբ Էջմիածնում Գարեգին Բ Ամենայն Հայոց Կաթողիկոսի ձեռամբ տեղի է ունեցել նորակառույց Ս. Վարդան և Ս. Հովհաննես Մկրտիչ մատուռմկրտարանի օծման արարողությունը: Մատուռ-մկրտարանը կառուցվել է այն ժամանակ լոնդոնաբնակ բարերար, Հայաստանի նախկին վարչապետ, ներկայիս նախագահ Արմեն Սարգսյանի հովանավորությամբ

ԱՇԽԱՐՀՈՒՄ

489 –օստգոթերի՝ Իտալիայի նվաճման արշավանքի ժամանակ Վերոնա քաղաքի մոտ տեղի է ունեցել ճակատամարտ, որի ժամանակ Թեոդրիխ Մեծի ղեկավարած օստգոթական բանակը հաղթել է Իտալիայի թագավոր Օդոակրի գլխավորած բանակին:

1066 —Նորմանդիայի հերցոգ Վիլհելմ Նվաճողի բանակը, նավերով անցնելով Լա Մանշը, ափհանվել է անգլիական Պեվենսի քաղաքի շրջակայքում:

1130 —Հարավային Իտալիան և Սիցիլիան միավորվել են՝ ստեղծելով Սիցիլիական Թագավորություն:

1480 —Իսպանիայի կառավարիչներ Իզաբելլա Կաստիլսկայան և Ֆերդինանդ Արագոնցին Հռոմի պապ Սիքստ 4-րդի թույլատվությամբ ստեղծել են Իսպանական ինկվիզիցիան:

1590 –Հռոմի պապ Ուրբան 7-րդը վախճանվել է պապ ընտրվելուց ընդամենը 13 օր անց:

1672 —Աֆրիկյան թագավորական ընկերությունը (Անգլիա) ստացել է Աֆրիկայում ստրուկների վաճառք իրականացնելու մոնոպոլ իրավունք:

1777 - Փենսիլվանիայի Լանկաստեր քաղաքը մեկ օրով դարձել է ԱՄՆ-ի մայրաքաղաք:

1818- ծնվել է գերմանացի քիմիկոս Ադոլֆ Վիլհելմ Հերման Կոլբեն:

1821 - Մեքսիկան ձեռք է բերել անկախություն Իսպանիայից:

1821 - Ժան Ֆրանսուա Շամպոլ յոնը հայտարարում է, որ վերծանել է Ռոզետայի քարը:

1863 -Սանկտ Պետերբուրգում բացվել է Ռուսաստանի առաջին մանկապարտեզը: 

1891 – վախճանվել է ռուս գրող Իվան Գոնչարովը:

1905– գերմանական «Annalen der Physik» թերթում տպագրվել է Ալբերտ Էյնշտեյնի հոդվածը, որտեղ առաջին անգամ օգտագործվել է նշանավոր E=mc2 բանաձևը:

1913– ծնվել է ամերիկացի հոգեբան, աշխարհի ամենանշանավոր հոգեթերապևտներից մեկը՝ Ալբերթ Էլլիսը:

1917 –վախճանվել է ֆրանսիացի նկարիչ Էդգար Դեգան:

1931 – ծնվել է ավստրիացի երգիչ, դերասան Ֆրեդի Քուինը:

1937 -Ալբիոն քաղաքում (Նյու Յորք նահանգ) բացվել է Սանտա Կլաուսների ուսուցման առաջին դպրոցը:

1940 -Բեռլինում Գերմանիան, Իտալիան և Ճապոնիան ստորագրել են Եռյակ դաշինքի պայմանագիրը: 1941 -Սիրիան հայտարարվել է անկախ պետություն:

1941 -Սիրիան հայտարարվել է անկախ պետություն:

1959 - Հոնսյու կղզում տեղի ունեցած թայֆունի զոհ է դարձել 5000 մարդ:

1976– ծնվել է իտալացի ճանաչված ֆուտբոլիստ Ֆրանչեսկո Տոտտին:

1984– ծնվել է կանադացի հանրահայտ երգչուհի Ավրիլ Լավինը:

1998- ստեղծվել է Գուգլ որոնողական կայքը:

1990– ԽՍՀՄ-ը մտել է Ինտերպոլի մեջ:

1991 - ԽՍՀՄ կոմերիտմիության 22-րդ արտահերթ համագումարը որոշել է դադարեցնել կազմակերպության գործունեությունը:

1993 —վրաց-աբխազական պատերազմի ընթացքում սկսվել են մարտերը Սուխումիի համար, որի արդյունքում քաղաքը անցել է աբխազների ձեռքը:

1996 —գրավելով Քաբուլը՝ թալիբները կախել են Աֆղանստանի նախկին նախագահ Մուհամեդ Նաջիբուլլային:

Կամո Խաչիկյան