«Բա­րի պա­պի՞կ», թե՞ ար­ժե­հա­մա­կար­գեր կոր­ծա­նող

Վերջին շրջանում հայ հասարակությունը ավելի ու ավելի հաճախ է լսում «Սորոսի հիմնադրամ», «Սորոսի փողեր», «սորոսականներ» և նման այլ արտահայտություններ։ Անընդահտ խոսվում է այդ հիմնադրամի դրական և բացասական դերի մասին, թե ինչպիսի ազդեցություն է այն ունենում պետության և հասարակության կայացման կամ փլուզման գործում։

Մի քանի փաստ այդ հիմնադրամի գործունեության մասին։ «Սորոսի հիմնադրամ». պաշտոնական անունը՝ «Բաց հասարակության հիմնադրամ»: Այս հիմնադրամի կողմից են ֆինանսավորվում  A m n e s t y International, Human Rights Watch, Mercy Corps, International Crisis Group միջազգային կազմակերպությունները:

«Բաց հասարակության հիմնադրամը» Հայաստանում դրամաշնորհներ է տալիս 1998 թվականից:

Քաղաքական բնագավառում Սորոսն իրեն դրսևորել է որպես հովանավոր և ազդեցիկ լոբբիստ: 1979 թվականից Սորոսն Արևմտյան Եվրոպայի երկրներում ակտիվորեն ֆինանսավորում էր ժողովրդավարական շարժումները` Լեհական համերաշխություն, Չեխոսլովակիայում «Խարտիա 77» շարժումը, ինչպես նաև Անդրեյ Սախարովի շուրջ համախմբված այլախոհ խմբավորումներին: 

Նա կարևոր դեր է խաղացել Եվրոպայի «թավշյա» հեղափոխություններում: Սորոսն ազդեցիկ դերակատարություն է ունեցել նաև վրացական «վարդերի հեղափոխության» նախապատրաստման և իրականացման գործում, չնայած նա անձամբ պնդում է, որ իր դերակատարությունը մամուլը չափազանցրել է:

Սորոսի հովանավորած կազմակերպությունները փորձում են հասնել մեկ միասնական աշխարհի ձևավորմանը, որտեղ, բնականաբար, տեղ չունեն ավանդական արժեքները, իսկ մարդու իրավունքները գերակայում են ազգային- քաղաքական հարցերի նկատմամբ: 

Ներկայումս մի շարք երկրներում արգելված է Սորոսի հիմնադրամի գործունեությունը:

Ի դեպ, փաստենք, որ Ջորջ Սորոսի գործունեությունը լուրջ քննադատության է ենթարկվում նաև ամերիկյան հանրապետական շրջանակների կողմից։ 

Նա ամերիկյան քաղաքական դաշտում որպես լուրջ խաղացող դարձավ 2004թ.-ին, երբ 27 միլիոն դոլար հատկացրեց նախագահ Բուշի վերընտրությունը կանխելու համար։

Նա նույնչափ գումար է ծախսել Հիլարի Քլինթոնի ընտրարշավի համար։

Սորոսի հիմնադրամի և նրա ունեցած դերակատարությունը ՀՀ-ում տեղի ունեցած իշխանափոխության գործում նույնպես բավականին մտածելու առիթ է հանդիսանում, քանի որ երբ այսօր նայում ենք ՀՀ իշխանության բուրգում գտնվող ներկայացուցիչներին, ապա ակնհայտ է դառնում, որ այս կառույցի հետ ասոցացվող կերպարները բավականին շատ են։

Հայտնի «պապիկը» գործուն աջակցություն է ցուցաբերում ՀՀ քաղհասարակությանը։ Այս մասին, սկսած հեղափոխական շրջանից, պարբերաբար հրապարակումներ են լինում. մամուլն է անդրադառնում, անգամ վերջերս ռուսական ֆեդերալ հեռուստաընկերություններն են ռեպորտաժներ և թոք շոուներ անում՝ բարձրաձայնելով խնդիրը։

Կարևոր է փաստել մի բան. ոչ մի անհատ և միջազգային կառույց առանց որևէ հետին մտքի և սեփական շահի անծանոթ և օտար հասարակությունում չի զբաղվի գրանտներ տրամադրելու գործունեությամբ՝ «հանուն արդար և ժամանակակից դեմոկրատական հանրություն» ուենալու, հավատացեք՝ դա հեքիաթ է։

ԱՆԴՐԱՆԻԿ ՀԱՐՈՒԹՅՈՒՆՅԱՆ