ՊԱՏՄՈՒԹՅԱՆ ԱՅՍ ՕՐԸ (2 ՀՈԿՏԵՄԲԵՐԻ)․ Հռո­մը դար­ձել է մի­ա­վոր­ված Իտա­լի­ա­յի մայ­րա­քա­ղաք

ՏՈՆԵՐ

Ուժ չգործադրելու միջազգային օր, Գվինեա՝ Անկախության օր, ԱՊՀ երկրներ՝ Պրոֆտեխուսուցման օր, Ֆինլանդիա՝ Սելդ ձկան օր:

ՀԱՅ-ՀԱՅԱՍՏԱՆ

1912- կաթողիկոս Գևորգ 5-րդը պաշտոնապես դիմել է Կովկասի փոխարքա Վորոնցով-Դաշկովին՝ խնդրելով հարց բարձրացնել ցարի առջև՝ Բեռլինի 61-րդ հոդվածը իրականացնելու համար:

1901 –ծնվել է կոմպոզիտոր Թաթուլ Ալթունյանը:

1936 – ծնվել է քանդակագործ, նկարիչ Ֆրիդ Սողոյանը:

1938– ծնվել է ռուսաստանահայ գիտնական, իրավաբան Վլադիկ Ներսեսյանցը: 1996- ավարտվել է Երևանում անցկացված 32-րդ շախմատային օլիմպիադան, հաղթել է Ռուսաստանի թիմը՝ Գարրի Կասպարովի գլխավորությամբ:

2003-մեծ հանդիսությամբ շահագործման է հանձնվել Աշտարակի կամրջի երկրորդ մասը՝ ապահովելով երկկողմանի երթևեկություն: «Լինսի» հիմնադրամից այս շինարարության վրա ծախսվել է 1 միլիոն 780 հազար դոլար: Կամրջի երկարությունը 365 մետր է, իսկ շինարարությունն ընթացել է մոտ 1,5 տարի:

2006- Հայաստանի ազգային պատկերասրահում բացվել է ֆրանսիական արվեստի տասնօրյա փառատոնը:

2011- Տավուշի մարզի Այրում քաղաքի մոտակայքում Վանաձոր - Բագրատաշեն ավտոճանապարհի 86-րդ կիլոմետրում տեղի է ունեցել սողանք, փլվել է մոտ 300 մետր երկարությամբ ճանապարհ։ Եղել են զոհեր:

2011– վախճանվել է ծագումով հայ, ռուս իրավաբան, «ՅՈՒԿՈՍ» ռուսական նավթային ընկերության փոխտնօրեն Վասիլի Ալեքսանյանը:

2012- Ազգային ժողովի պատգամավոր, Հայաստանի նախկին արտգործնախարար Վարդան Օսկանյանը գլխավոր դատախազի համապատասխան միջնորդությամբ զրկվել է պատգամավորական անձեռնմխելիությունից:

2013 – վախճանվել է հուշարձանագետ, արխիվագետ, լուսանկարիչ, թիֆլիսագետ Սարգիս Դարչինյանը:

2014-Հայաստան է վերադարձվել գերեվարված Հակոբ Ինջիղուլ յանը, որը Ադրբեջանում ծեծի և խոշտանգումների է ենթարկվել և մահվան սպառնալիքների տակ ստիպված է եղել ասել այն, ինչ պահանջել են։

2015- Գյումրիում բացվել է Կուրսկի հրապարակը՝ այդ առթիվ Ռուսաստանից եկած հատուկ պատվիրակության մասնակցությամբ:

2017-Դատարանը «Կիպրոսի օֆշորի գործով» մեղադրյալ, գործարար, ադամանդագործ Աշոտ Սուքիասյանին դատապարտել է 16 տարվա ազատազրկման:

2018-Ազգային ժողովն արտահերթ նիստում ձեռքով քվեարկությամբ՝ 67 կողմ ձայներով, ընդունել է փոփոխությունները «ԱԺ կանոնակարգ» օրենքում, վարչապետ Նիկոլ Փաշինյանը նրանց հակահեղափոխականներ է անվանել և կոչ արել ժողովրդին շրջափակել Ազգային ժողովի շենքը, որը և կատարվել է: Փաշինյանը նաև Բաղրամյան պողոտայում հրավիրած հանրահավաքում աշխատանքից ազատել է կառավարությունում «Բարգավաճ Հայաստան» և ՀՅԴ կուսակցությունների ներկայացուցիչներին:

ԱՇԽԱՐՀ

1187 - Սալահ ադ Դինը գրավել է Երուսաղեմը խաչակիրների 88 տարվա տիրապետությունից հետո:

1263– տեղի է ունեցել Լարգսի ճակատամարտը, որը շոտլանդա-նորվեգական պատերազմի կարևոր ճակատամարտերից մեկն է:

1535– ֆրանսիացի ծովագնաց Ժակ Քարտիեն ափ է իջել ներկայիս Կանադայի տարածքում՝ Հոշլեագ տեղանքում, և անվանել այն Մոնրեալ:

1552 –ռուսական ցար Իվան Ահեղը գրավել է թաթարների մայրաքաղաք Կազանը:

1608 -Իոհան Լիպպերսհեյնը հոլանդական կառավարությանն է ներկայացրել իր հայտնագործությունը՝ օպտիկական աստղադիտակի նախատիպը:

1800 -ծնվել է ամերիկացի ստրուկ-քարոզիչ , Վիրջինիայում ստրուկների ապստամբության ղեկավար Նաթ Տյորները: 

1836 - Չարլզ Դարվինը վերադարձել է «Բիգլ» նավով հինգ տարի տևած շուրջերկրյա ճանապարհորդությունից:

 

1860– Սանկտ Պետերբուրգում բացվել է Մարիինյան թատրոնը:

1869 -ծնվել է Հնդկաստանի ազգային – ազատագրական շարժման առաջնորդներից Մահաթմա Գանդին:

1870 -Հռոմը դարձել է միավորված Իտալիայի մայրաքաղաք:

1936- ԱՄՆ-ում «չոր օրենքը» չեղարկելուց հետո բացվել է ալկոհոլային խմիչքների արտադրության առաջին գործարանը:

1951– ծնվել է անգլիացի երգիչ Սթինգը:

1973 – ծնվել է ուկրաինացի երգիչ Վերկա Սերդյուչկան (Անդրեյ Դանիլկո):

1968– Մեքսիկայի մայրաքաղաք Մեխիկոյում ուսանողների կազմակերպած ցույցը ցրելու համար կառավարությունը օգտագործել է հրազեն, որի արդյունքում զոհվել է 200-300 մարդ:

2000 -«Ames Laboratory» ամերիկյան պետական կազմակերպության գիտնականները ստեղծել են նոր գերամուր նյութ, որն իր ամրությամբ զիջում է միայն ալմաստին:

2002 -Ճապոնիայում աշխարհում առաջին անգամ սկսել են վաճառել ռոբոտ-ինկասատոր:

Կամո Խաչիկյան