Տանը կատակում են, թե միայն մայրիկին չեն կանչել, որովհետեւ նա իջեւանցի է. Հրայր Թովմասյան
ПОЛИТИКА«Այն ճնշումները կամ այն իրադարձությունները, որոնք տեղի են ունենում ՍԴ-ի շուրջ, հենց այն ճանապարհն է, որ դատական իշխանությունը վաստակում է իր անկախությունը։ Այս ճանապարհով պետք է վաստակել, ոչ ոք սկուտեղի վրա չի բերելու եւ քո անկախությունը քեզ չի տալու», Pressing հաղորդմանը հայտարարել է ՍԴ նախագահ Հրայր Թովմասյանը, տեղեկացնում է Փաստինֆոն։
Թովմասյանն ասել է, որ երկիրը, հայրենիքն ու անվտանգությունն իր համար ավելի բարձր արժեքներ են, քան Հրայր Թովմասյանի պաշտոնը։
Անդրադառնալով գործընթացին իր ընտանիքի անդամների ներգրավմանը՝ Հրայր Թովմասյանը նշել է .«Անշուշտ, տեսնել 75 տարեկան հայրիկիդ, որը վերջին 2 տարվա ընթացքում 4 բարդ վիրահատություն է կրել՝ ծանր վիրահատություն, եւ տեսնել, որ իրեն ինչ-որ հարցեր տալիս, հաճելի չէ, բնականաբար»։
Թովմասյանը նաեւ ասել է, թե իրենց տանը կատակում են, թե միայն մայրիկին չեն կանչել, որովհետեւ նա իջեւանցի է։