«Իմ քայլի» պատգամավորը ափսոսանք է հայտնել ՀՀ փոխոստիկանապետի ազատման առնչությամբ
ПОЛИТИКАԱփսոսում եմ, որ Հայաստանի փոխոստիկանապետ Հովհաննես Քոչարյանը հրաժարական է տվել։ Այս մասին Ազգային ժողովում հոկտեմբերի 25-ի ճեպազրույցում ասաց կառավարող «Իմ քայլը» դաշինքի պատգամավոր Անդրանիկ Քոչարյանը։
Նրա խոսքով՝ Հովհաննես Քոչարյանը բավական արդյունավետ համագործակցում էր Պաշտպանության եւ անվտանգության խորհրդարանական մշտական հանձնաժողովի հետ, որի ղեկավարն է Անդրանիկ Քոչարյանը։ «Նրա հեռանալը կադրային կորուստ է Հայաստանի ոստիկանության համար»,- ընդգծել է պատգամավորը։ Հարցին, թե ճիշտ է արդյոք ազատել մարդուն պաշտոնից նրա ունեցած հայացքների համար, քանի որ վարչապետի մամուլի քարտուղար Վլադիմիր Կարապետյանն ավելի վաղ ասել էր, որ Քոչարյանին հանել են նրա քաղաքական հայտարարությունների համար, պատգամավոր Քոչարյանը պատասխանեց, որ ուժային գերատեսչության ղեկավարը իրավունք չունի որեւէ քաղաքական հայտարարություն անել, եւ այդ մարդիկ քաղաքականությունում անելու բան չունեն։ «Ոստիկանության նման բարձրաստիճան աշխատակիցը պետք է հասկանա, որ լրագրողները կարող են ցանկացած հարց տալ, բայց նա չպետք է մտնի որեւէ քաղաքական շահարկման մեջ։ Եթե Քոչարյանի հայտարարությունում նկատվել է քաղաքական ենթատեքստ, ապա որոշումը պետք է սպասել չտար»,- ասել է Անդրանիկ Քոչարյանը։