Իմ աշխատավարձը հավասար է բոլոր նախարարների աշխատավարձին. Պապիկյան
ПОЛИТИКА
Վանաձոր քաղաքում այս մասնակցայինությունը խոսում է նրա մասին,որ առաջիկայում մենք համատեղ ուժերով պիտի ապրենք Վանաձորի երկրորդ ծնունդը: Այս մասին այսօր` հոկտեմբերի 26-ին, NEWS.am-ի հետ զրույցում ասաց ՀՀ Տարածքային զարգացման եւ կառավարման նախարար Սուրեն Պապիկյանը, ով Վանաձորում էր գտնվում` մասնակցելու քաղաքի օրվան նվիրված միջոցառումներին:
«Վանաձոր քաղաքում այս մասնակցայինությունը խոսում է նրա մասին,որ առաջիկայում մենք համատեղ ուժերով պիտի ապրենք Վանաձորի երկրորդ ծնունդը, որովհետեւ խորհրդային շրջանի Վանաձորն այսօր նոր որակով, նոր տեսքով ներկայանալու խնդիր ունի: Եւ այդ առումով թե Կառավարությունը եւ թե յուրաքանչյուր վանաձորցի, պիտի իր ջանքը գործադրի, որ մենք ունենանք մերօրյա 21-րդ դարին հարիր քաղաք: Կանաչ քաղաքի անունը պետք է հետ վերադարձնենք Վանաձորին»,-ասաց նա:
Նախարար Պապիկյանը չցանկացավ պատասխանել Վայոց Ձորի մարզի հավանական թեկնածուի մասին հարցին:
Հարցին, թե իր աշխատավարձը նույնն է, ինչ մյուս նախարարներին, Պապիկյանը դրական պատասխանեցղ եւ արդարացի համարեց, որ բոլորը նույն չափով են վարձատրվում: