Ի՞նչ են գտել Երեւանում ծանր հանցագործություն կազմակերպելու մեջ կասկածվող խմբի վարձակալած տանը (ֆոտոռեպորտաժ)
ОБЩЕСТВОNews.am-ը գրում է.
Երեւանում ծանր հանցագործություն կազմակերպելու մեջ կասկածվող խմբի վարձակալած տանն այսօր՝ նոյեմբերի 25-ին, ԱԱԾ աշխատակիցները հայտնաբերել են մեծ քանակությամբ ռազմամթերք, որն առգրավվել է (ֆոտոռեպորտաժ):
Խուզարկումից եւ կասկածյալներին շենքից տեղափոխելուց հետո լրագրողները տունը հայտնաբերեցին ամբողջությամբ ավիրված վիճակում:
NEWS.am-ի թղթակիցը տանը ֆիքսել է կասկածյալների անձնական իրերը, ինչպես նաեւ Կիլիկյան Հայաստանի դրոշով դիմակներ, լուսանկարներ, ձայնասկավառակներ, դեղեր, թղթեր, որոնց վրա հեռախոսահամարներ են գրված եղել:
Նշենք, որ ԱԱԾ-ի փոխանցմամբ, ԱԱԾ աշխատակիցները ոստիկանության հետ համատեղ խուզարկությունների ընթացքում հայտնաբերվել են տարբեր տեսակի ինքնաձիգեր, ատրճանակներ, նռնականետեր (այդ թվում «մուխա» տեսակի), նռնակներ, պայթուցիկ նյութեր եւ պայթուցիկ սարքեր, կապի միջոցներ, փամփուշտներ, փամփշտակալներ, ռազմական հանդերձանք՝ այդ թվում զրահաբաճկոններ: Խուզարկության պահին առանձնատանը, Արթուր Վարդանյանի գլխավորությամբ, հավաքված են եղել հանցավոր խմբակցության 9 անդամները, որոնք ձերբակալվել են:
ՀՀ ԱԱԾ քննչական վարչությունում հարուցվել է քրեական գործ ՀՀ քրեական օրենսգրքի 223-րդ հոդվածի 1-ի եւ 2-րդ մասերով եւ 235–րդ հոդվածի 3-րդ մասով, կատարվում է նախաքննություն: