ՊԱՏՄՈՒԹՅԱՆ ԱՅՍ ՕՐԸ (23 ՆՈՅԵՄԲԵՐԻ)․ Երև­ա­նում տե­ղի է ունե­ցել Ան­տո­նիո Վի­վալ­դիի «Տիգ­րան» օպե­րա­յի հա­մեր­գա­յին կա­տա­րու­մը

ՏՈՆԵՐ

Ճապոնիա՝ Աշխատանքի գովաբանության օր (բերքահավաքի ավարտ), Վրաստան՝ Սուրբ Գևորգի օր (Գիորգոբա), Ղազախստան՝ Ճանապարհային ոստիկանի օր, Լիտվա՝ Լիտվացի զինվորների օր:

ՀԱՅ-ՀԱՅԱՍՏԱՆ

1735– ծնվել է հայ ազգային ազատագրական շարժման գործիչ Հովհաննես Լազարյանը: 

1900 – ծնվել է խորհրդահայ կուսակցական և պետական գործիչ Հայկազ Մարջանյանը: 

1902 - ծնվել է դերասան Բաբկեն Գաբրիել յանը: 

1907- վախճանվել է հանրահայտ գրող Պերճ Պռոշյանը: 

1912– ծնվել է մեխանիկ, պետական-քաղաքական գործիչ, տեխնիկական գիտությունների դոկտոր, պրոֆեսոր Նագուշ Հարությունյանը։ 

1920– Համազասպ Օհանջանյանի ղեկավարած Հայաստանի կառավարությունը հրաժարական է տվել, ձևավորվել է նորը՝ Սիմոն Վրացյանի գլխավորությամբ, որը կոալիցիոն էր և կազմված էր էսսեռների հետ։ 

1923– ծնվել է ֆրանսահայ դերասանուհի Ռոզի Վարդը: 

1928- ծնվել է տնտեսագետ, աշխարհագրագետ, ակադեմիկոս Գրիգոր Ավագյանը: 

1931- վախճանվել է դերասան Բաբկեն Գաբրիելյանը: 

1941- վախճանվել է տնտեսագետ Վռամ Կոստանյանը: 

1950 - ծնվել է դերասան, հաղորդավար և թարգմանիչ Արտավազդ Եղոյանը: 

1956 - ծնվել է բանաստեղծ, թարգմանիչ Հովիկ Հովեյանը: 

1974- վախճանվել է ճարտարագետ-տեխնոլոգ Սարգիս Թևոսյանը: 

1976- վախճանվել է նկարիչ Գևորգ Գրիգորյանը (Ջիոտտո):

1990- վախճանվել է նկարիչ Ցոլակ Ազիզյանը: 

1998- համաձայնագիր է ստորագրվել Հայաստանի կրթության նախարարության և Ֆրանսիայի դեսպանատան միջև, համաձայն որի, նախատեսվել է ստեղծել «Հայաստանի ֆրանսիական համալսարան»: 

1998– վախճանվել է թատրոնի և կինոյի հայ նշանավոր դերասան Կարպ Խաչվանքյանը: 

2001– Քրիստոնեությունը որպես պետական կրոն հռչակելու 1700-ամյակի հանդիսությունների շրջանակներում Երևանում տեղի է ունեցել Անտոնիո Վիվալդիի «Տիգրան» օպերայի համերգային կատարումը։ 

2001- վախճանվել է ճարտարապետ Արեգ Իսրայելյանը: 

2002-տևական դադարից հետո վերագործարկված քիմիական հսկան՝ «Նաիրիտը», դադարեցրել է աշխատանքը էլեկտրաէներգիայի մատակարարման դադարեցման պատճառով: 

2004-Հունգարիայի մայրաքաղաքում սկսվել է անցած փետրվարին ՆԱՏՕ-ի դասընթացներում հայ սպա Գուրգեն Մարգարյանին դաժանաբար կացնահարած ադրբեջանցի սպա Ռամիլ Սաֆարովի դատավարությունը: 

2006- Երևանում անցկացվել է «Քաղաքացիական անհնազանդություն» շարժման առաջին խորհրդաժողովը, որի մասնակիցները խոսել են «արտահերթ` ազատ և ժողովրդավարական ընտրություններ» անցկացնելու անհրաժեշտության մասին: 

2012-«Հայաստան» համահայկական հիմնադրամի «Հեռուստամարաթոն 2012»-ի արդյունքում ստացվել է 21 միլիոն 422 հազար 477 դոլարի նվիրատվություն եւ նվիրատվության խոստում։ 

2017- վախճանվել է ամերիկահայ լեգենդար պրոդյուսեր Ջորջ Ավագյանը:

2018-«Հեռուստամարաթոն-2018»-ի արդյունքում, նախնական տվյալներով, հանգանակվել է շուրջ 11 միլիոն դոլար:

ԱՇԽԱՐՀ

955 – վախճանվել է Անգլիայի թագավոր Էդրեդը, որը եղել է սաքսոնական դինաստիայի ներկայացուցիչ: 

1202 —ավարտվել է Զարիի շրջափակումը, որը 4-րդ Խաչակրաց արշավանքի ժամանակ առաջին ռազմական գործողությունն էր, և Խաչակրաց արշավանքների պատմության մեջ առաջին դեպքն էր, որ խաչակիրները հարձակվել էին կաթոլիկ քաղաքի վրա: 

1492 —Իսպանիայի թագավոր Ֆերդինանդը հայտարարել է, որ իսպանական հրեաների գույքը պատկանում է իսպանական գահին: 

1527 —ծնվել է չին փիլիսոփա, պատմաբան, գրող և գրաքննադատ Լի Չժին: 

1793 —Փարիզի քաղաքային կոմունան փակել է բոլոր եկեղեցիները: 

1852 —Անգլիայում շրջանառության մեջ են դրվել առաջին փոստարկղները: 

1906 - Ֆերդինանդ Բրաունը հայտնաբերել է բյուրեղների բազմաբևեռ հաղորդականությունը:

1910 - Շվեդիայում վերջին անգամ իրականացվում է մահապատիժ: 

1918- Բեռլինում նավաստիները գրավել են կանցլերի նստավայրը և ձերբակալել Ֆրիդրիխ Էբերտին: 

1921 —ԱՄՆ-ի նախագահ Ուորրեն Հարդինգը արգելել է բժիշկներին որպես դեղորայք հիվանդներին գարեջուր նշանակել, որով շրջանցվում էր «չոր օրենքը»: 

1923- Յակոբ Շիկը արտոնագրել է էլեկտրական սափրիչը: 

1933– ծնվել է լեհ խոշորագույն կոմպոզիտոր Քշիշտոֆ Պենդերեցկին։ 

1934 —Ամերիկայի և Եվրոպայի ավտոճանապարհներին ուղեգծելու համար սկսել են օգտագործել նոր հայտնաբերված լուսաանդրադարձիչները: 

1940 - Երկրորդ համաշխարհային պատերազմի ժամանակ Ռումինիան և Հունգարիան միացել են Գերմանիայի, Իտալիայի և Ճապոնիայի ստեղծած եռյակ դաշինքին: 

1943– սկսվել է Կահիրեի կոնֆերանսը ԱՄՆ-ի նախագահ Ռուզվելտի, Մեծ Բրիտանիայի վարչապետ Չերչիլի և չինացի գեներալիսիմուս Չան Կայշիի մասնակցությամբ։ 

1954 - Ջեներալ Մոթորսն արտադրում է իր հիսուն միլիոներորդ ավտոմեքենան, որը երկտեղանի փակ սպորտային «Շևրոլե» էր:

 1962 - ծնվել է վենեսուելացի քաղաքական գործիչ Նիկոլաս Մադուրոն: 

1992– ծնվել է ամերիկացի երգչուհի, երգահան, դերասանուհի Մայլի Սայրուսը։ 

1980 - Իտալիայի հարավում տեղի ունեցած ուժեղ երկրաշարժի հետևանքով 4800 մարդ է զոհվել: 

2003 - Վրաստանի նախագահ Էդուարդ Շևարդնաձեն հրաժարական է տվել: 

2004– թողարկվել է World of Warcraft համակարգչային խաղը։

Կամո Խաչիկյան