ՊԱՏՄՈՒԹՅԱՆ ԱՅՍ ՕՐԸ (26 ՆՈՅԵՄԲԵՐԻ)․ Մեղադրյալի աթոռին հայտնված վեց հայ օդաչուները դատապարտվել են 14-24 տարվա ազատազրկման

ՏՈՆԵՐ

Տեղեկատվության համաշխարհային օր, Մոնղոլիա՝ Անկախության օր, Հնդկաստան՝ Սահմանադրության օր:

ՀԱՅ-ՀԱՅԱՍՏԱՆ

1856– ծնվել է ամերիկյան դիվանագետ, Օսմանյան կայսրությունում (1913 - 1916 թթ.) ԱՄՆ դեսպան Հենրի Մորգենթաունը, որը դատապարտել է Հայոց ցեղասպանությունը, դրան անդրադարձել իր հուշերում: 

1903- վախճանվել է պատմաբան Մատաթիա Գարագաշյանը: 

1904 – ծնվել է դերասանուհի Արուս Ասրյանը: 

1906– ծնվել է գիտնական, գենետիկ, ԽՍՀՄ-ում մոլեկուլային գենետիկայի և հակաբիոտիկներ սինթեզող միկրոօրգանիզմների գենետիկայի հիմնադիրներից մեկը հանդիսացող Սոս Ալիխանյանը: 

1908 - ծնվել է ինժեներական զորքերի գեներալ-մայոր Ղևոնդ Հակոբյանը: 

1912-ծնվել է խորհրդային կուսակցական և պետական աշխատող Հրաչյա Մարգարյանը: 

-ծնվել է գեղանկարիչ Հեղինե Աբրահամյանը: 

1926 - ծնվել է հայազգի խորհրդային ռազմական գործիչ Ստեփան Խանամիրյանը: 

1930 - ծնվել է բանաստեղծ, մանկագիր Սուրեն Մուրադյանը: 

1952 - ծնվել է գործարար և քաղաքական գործիչ Վահե Աղաբեկյանցը: 

1966– վախճանվել է արևմտահայ բանաստեղծ Համաստեղը (Համբարձում Կելենյան), որը համարվում է սփյուռքահայ գրականության հիմնադիրներից մեկը: 

1913– վախճանվել է հայ ազգային-ազատագրական շարժման գործիչ Սարգիս Կուկունյանը։

1990- վախճանվել է նկարիչ Էդուարդ Սարգսյանը: 

2004- Հասարակածային Գվինեայի մայրաքաղաք Մալաբոյում հրապարակվել է դատավճիռ այդ երկրում պետական հեղաշրջման փորձի մեջ մեղադրվողների նկատմամբ: Մեղադրյալի աթոռին հայտնված վեց հայ օդաչուները դատապարտվել են 14-24 տարվա ազատազրկման: 

2008- երեկոյան Եռաբլուր են այցելել շուրջ երկու տասնյակ ոստիկաններ և առգրավել այնտեղ եռօրյա նախազգուշական հացադուլ սկսած Ղարաբաղյան պատերազմի մասնակիցների երկու վրանները: 

2009- կայացել է «Հայաստան» համահայկական հիմնադրամի կազմակերպած ամենամյա հեռուստամարաթոնը, նախնական տվյալներով խոստացված և կատարված նվիրատվությունների գումարը կազմել է 15 միլիոն 875 հազար 43 դոլար: 

2012-«Նաիրիտի» աշխատողներն իրենց 11 ամսվա աշխատավարձը վճարելու և գործարանը վերագործարկելու պահանջով բողոքի ցույց էին կազմակերպել նախագահի նստավայրի առջև:

ԱՇԽԱՐՀՈՒՄ

1394 —Սեուլը դարձել է Կորեայի մայրաքաղաք: 

1504 —վախճանվել է Կաստիլիայի և Լեոնի թագուհի Իզաբելլա Կաստիլիացին: 

1607 —ծնվել է ամերիկացի գաղութարար Ջոն Հարվարդը, որի անունով էլ անվանված է Հարվարդի հանրահայտ համալսարանը: 

1812– սկսվել է 3 օր տևած Բերեզինայի ճակատամարտը, որը ֆրանս- ռուսական պատերազմի նշանավոր մարտերից մեկն է: 

1894-ծնվել է ամերիկացի մաթեմատիկոս Նորբերտ Վինները, որը հանդիսանում է կիբեռնետիկայի հիմնադիրներից մեկը: 

1909 –ծնվել է ազգությամբ ռումին ֆրանսիացի դրամատուրգ Էժեն Իոնեսկոն:

1917– ստեղծվել է հոկեյի ազգային լիգան` NHL-ը։ 

1926- վախճանվել է ամերիկացի գյուտարար, զինագործ Ջոն Մոզես Բրաունինգը: 

1939 - ծնվել է ամերիկացի երգչուհի, պարուհի և դերասանուհի Թինա Թյորները: 

1941 —վիցե-ադմիրալ Տյուիտի Նագումոյի ղեկավարած ճապոնական հարվածային նավատորմիղը խիստ գաղտնիության պայմաններում լքել է Կուրիլ յան կղզիներում գտնվող իր Հիտոկապպու ռազմաբազան և ուղղություն է վերցրել դեպի ԱՄՆ-ի Պյորլ-Հարբոր ռազմաբազա: 

1942– տեղի է ունեցել «Կասաբլանկա» նշանավոր ֆիլմի պրեմիերան։ 

1962 - ծնվել է իտալացի պատմաբան Ջովաննի Գուայտան: 

1963– վախճանվել է իտալացի օպերային երգչուհի, «Մետրոպոլիտեն օպերայի» մեներգչուհի Ամելիտա Գալլի-Կուրչին: 

1976 —Նյու Մեխիկո նահանգային քարտուղարությունում գրանցվել է «Microsoft» նոր առևտրային նշանը: 

1981- վախճանվել է նիդերլանդացի շախմատիստ և մաթեմատիկոս Մաքս Էյվեն: 

1994– Ջոխար Դուդաևի մարտիկները Չեչնիայի մայրաքաղաք Գրոզնիի գրավման փորձ են իրականացրել, ինչը կանխվել է Ռուսաստանի զինված ուժերի հատուկ ստորաբաժանումների կողմից։ 

2003 —գերձայնային ուղևորատար «Կոնկորդ» ավիալայները իրականացրել է իր վերջին թռիչքը: 

2009 —սկսել է հեռարձակվել МИР հեռուստաալիքը: 

2018-վախճանվել է իտալացի կինոռեժիսոր, դրամատուրգ և պոետ Բերնարդո Բերտոլուչին:

Կամո Խաչիկյան