«Շոկի մեջ էի, չէի ուզում ապրել». Զրույց ՁԻԱՀ-ով հիվանդի հետ

Դեկտեմբերի մեկը ՁԻԱՀ-ի դեմ պայքարի համաշխարհային օրն է:

Ամբողջ աշխարհում պետական մակարդակով վերահսկողություն է իրականացվում, որպեսզի ՄԻԱՎ-ից զերծ սերունդ մեծանա և ի վերջո վերջ դրվի ՁԻԱՀ համաճարակին:

Այդ առիթով Հայաստանում կան շարժական կլինիկաներ, որոնց նպատակն է մեկնել ՀՀ հեռավոր մարզեր, գյուղեր բժշկական ծառայություններ մատուցելու բնակչության այն հատվածի համար, ով չի ուզում կամ չի կարող մայրաքաղաք գալ:

Վարակիչ հիվանդությունների ախտորոշման ու բուժման նորարարական մեթոդների կիրառումը նախնական փուլում կարող է բազմաթիվ կյանքեր փրկել:

Երբեմն իրականացվում են նաև անվճար հետազոտություններ թե Երևանում թե մարզերում : ՁԻԱՀ-ի և հեպատիտի համար հանձնվող արյան անալիզի պատասխանների գաղտնիությունը ապահովում է:

Երևանում գործող ՁԻԱՀ-ի կենտրոնի տնօրեն պրոֆեսոր Սամվել Գրիգորյանը և սպասարկող բաժնի բժիշկները ունեն բարձր պատրաստվածություն հիվանդի հետ աշատելու համար:

Երբ մարդը միամիտ, պատահաբար իմանում է իր տվյալ հիվանդության մասին, ահաբեկված մտածում է, որ դատապարտված է մահվան : Վերոհիշյալ կենտրոնում այդ մարդկանց հանդեպ հատուկ հոգեբանական մոտեցում կա , որը ցուցաբերում են բժիշկները:

Past.am-ի լրագրողը գաղտնիությունը պահելու խոստումով զրուցեց մի վիրուսակիր հիվանդի հետ, ով վերադարձել էր ՌԴ - ից վիրահատության նպատակով դիմել էր հիվանդանոց, ընդհանուր հետազոտության ժամանակ պարզվել էր վարակակիր է:

Ալբերտ Հովհաննիսյան ( անունը փոխված է )

- Ինչ զգացողություն ապրեցիք, ե՞րբ լսեցիք հիվանդության մասին:

- Շոկի մեջ էի: Հիվանդանոց էի գնացել լրիվ այլ հիվանդության համար, պետք է վիրահատվեի : Առանց այն էլ նեղված էի, ցավերի մեջ: Այդ լուրը ցնցեց ինձ, չէի ուզում ապրել: Չէի հասկանում ինչ է կատարվում հետս, հետո ինչ է լինելու: Հիմա հաղթահարել եմ հոգեբանական խնդիրներս, լսում եմ բժիշկներին, փորձում եմ ապրել լիարժեք մարդու նման ուրիշներին չվնասելով: Ի վերջո հասկացել եմ դա դեռ վերջը չէ, ես դատապարտված չեմ ու ապրել եմ ուզում:

Հ.Գ Հիշեցնենք ՁԻԱՀ-ը ինֆեկցիոն հիվանդություն է, պատճառը` մարդու իմունային անբավարարության վիրուսը: Ախտանիշները լինում են ավշային հանգույցների բորբոքում, քաշի կորուստ: Բացահայտվում է արյան թեսթ հանձնելու միջոցով: Տարածվում է չպաշտպանված սեռական հարաբերության արդյունքում, արյան միջոցով, մորից երեխային:

ՁԻԱՀ- ն ունի երեք փուլ` Սուր ինֆեկցիա, ՄԻԱՎ, ՁԻԱՀ: