ՊԱՏՄՈՒԹՅԱՆ ԱՅՍ ՕՐԸ (12 ՓԵՏՐՎԱՐԻ)․ Հա­յաս­տա­նի զին­ված ուժե­րի առա­ջին գործ­նա­կան մաս­նակ­ցու­թյու­նը խա­ղա­ղա­պահ առա­քե­լու­թյա­նը

ՏՈՆԵՐ, ՀԻՇԱՏԱԿԻ ԵՎ ՄԻՋԱԶԳԱՅԻՆ ՕՐԵՐ

Զինվոր երեխաների համաշխարհային օր, Դարվինի համաշխարհային օր, ԱՄՆ՝ Ազատ ամուսնության օր, Մյանմա՝ Միասնության օր, Վենեսուելա՝ Երիտասարդության օր, Տաջիկստան՝ Դուշանբեի մասսայական անկարգությունների զոհերի հիշատակի օր։

ՀԱՅ-ՀԱՅԱՍՏԱՆ

1286 –վախճանվել է Հայոց կաթողիկոս Հակոբ Ա Կլայեցին։ 

1741 - վախճանվել է Կ.Պոլսո հայոց պատրիարք Հովհաննես Թ Կոլոտ Բաղիշեցին։ 

1908 - վախճանվել է գրող Արփիար Արփիարյանը։ 

1909– ծնվել է հայագետ, բանագետ Արամ Ղանալանյանը։ 

1921- Վրաստանի խորհրդայնացման ժամանակ բոլ շևիկյան ապստամբություն է սկսվել Վրաստանի ձեռքում գտնվող Լոռիում, որի ընթացքում հաջողվել է որոշակիորեն զինաթափել և դուրս մղել վրացական բանակին։ 

1935– ծնվել է գրող, արձակագիր, կինոսցենարիստ Հրանտ Մաթևոսյանը։ 

1941 - ծնվել է բալետի արտիստ, պարուսույց Վիլեն Գալստյանը։

 1962 - ծնվել է հասարակական, քաղաքական գործիչ Սարգիս Հացպանյանը։ 

1988 - Ստեփանակերտում տեղի է ունեցել ժողովրդական առաջին զանգվածային ցույցը ԼՂԻՄ-ը Հայաստանի հետ վերամիավորելու պահանջով։ 

1992- Հայաստանը դիվանագիտական հարաբերություններ է հաստատել Շրի Լանկայի հետ։ 

1992 - վախճանվել է գրաֆիկ, մանկավարժ Միհրան Սոսոյանը։ 

1994 –Ղարաբաղյան պատերազմի ժամանակ սկսվել է ճակատամարտը Օմարի լեռնանցքի համար, որի արդյունքում հայերը ամբողջական վերահսկողություն են սահմանել ամբողջ Քելբաջարի շրջանում։ 

1999- Հայաստանը դիվանագիտական հարաբերություններ է հաստատել Բելիզի հետ։ 

2004-Հայաստանի զինված ուժերի մեկ դասակ ՄԱԿ-ի հովանու ներքո իրականացվող խաղաղապահ առաքելությանը մասնակցելու համար մեկնել է Կոսովո: Սա եղել է Հայաստանի զինված ուժերի առաջին գործնական մասնակցությունը խաղաղապահ առաքելությանը: 

2008-ՀՀԿ գործադիր մարմնի նիստում միաձայն որոշվել է «ՀՀԿ-ի կանոնադրության խախտման և կուսակցության համագումարի որոշումը չկատարելու կապակցությամբ Սասուն Միքայել յանին հեռացնել ՀՀԿ-ի շարքերից: -վախճանվել է գրականագետ, չարենցագետ Արփենիկ Չարենցը: 

2009-«Բարգավաճ Հայաստան» կուսակցության 4-րդ հերթական համագումարում Գագիկ Ծառուկյանը միաձայն վերընտրվել է կուսակցության նախագահի պաշտոնում:

 2012-կայացել են տեղական ինքնակառավարման մարմինների ընտրություններ հանրապետության 9 մարզերում։ 

2016- ԱԱԾ տնօրեն է նշանակվել Գեորգի Կուտոյանը։

ԱՇԽԱՐՀ

881 -Հռոմի պապ Հովհան 8-րդի կողմից Կարլ 3-րդ Հաստլիկը ստացել է Արևմուտքի կայսրի թագը։ 

1429– Հարյուրամյա պատերազմի ժամանակ տեղի է ունեցել Ռուվրեի ճակատամարտը, որտեղ անգլիացիները հաղթանակ են տոնել ֆրանսիացիների նկատմամբ: 

- Վոկուլիեր քաղաքի կապիտան Ռոբերտ դե Բոդրիկուրուին է դիմել Դոմրեմի գյուղի մի 17-ամյա աղջիկ՝ ասելով, որ ինքն է դադարեցնելու Օռլեանի պաշարումը, դոֆինին դարձնելու թագավոր, դուրս քշելու զավթիչներին թագավորությունից։ Սկսվել է Ժաննա դը Արկի հաղթարշավը։ 

1502 -Կաստիլիայից քշվել են քրիստոնեություն չընդունած մավրերը։ 

1541 -Չիլիի առաջին նահանգապետ Պեդրո դը Վալդիվիան և իսպանացի կոնկիստադորները հիմնադրել են Սանտյագո դե Չիլի քաղաքը։ 

1538- վախճանվել է գերմանացի նկարիչ Ալբրեխտ Ալթդորֆերը։ 

1593 - Իմջինյան պատերազմի ընթացքում Քվոն Յուլայի 3 000-անոց կորեական բանակը Խենջու ամրոցի համար մղված ճակատամարտում ջախջախել է ճապոնական 30 000-անոց բանակը։ 

1804 - վախճանվել է գերմանացի փիլիսոփա Էմանուիլ Կանտը։ 

1809– ծնվել է անգլիացի աշխարհահռչակ գիտնական, բնագետ և ճանապարհորդ Չարլզ Դարվինը: 

1809- ծնվել է Միացյալ Նահանգների 16-րդ նախագահ Աբրահամ Լինքոլնը։

 1818 - Չիլին հռչակել է իր անկախությունը։ 

1832 - Էկվադորը գրավել է Գալապագոսյան կղզիները։ 

1865 -Դմիտրի Մենդելեևը պաշտպանել է իր՝ «Սպիրտի ջրի հետ միացման մասին» դիսերտացիան, որը շատերը համարում են ռուսական օղու բաղադրության ստեղծման հիմքը։ 

1896 - վախճանվել է ֆրանսիացի կոմպոզիտոր Ամբրուազ Թոման։ 

1899– Գերմանական Կայսրությունը Իսպանիայից գնել է Կարոլինյան և Մարիանյան կղզիները: 

1908-Անգլիայում ընդունվել է օրենք, ըստ որի, տուգանվելու է յուրաքանչյուր ոք, ով կթույլատրի իր երեխային ծխել։ 

1912– Չինաստանում ավարտվել է Սինհայան հեղափոխությունը, որի արդյունքում կործանվել է Ցին դինաստիան: 

1941-առաջին անգամ պենիցիլինը հաջողությամբ օգտագործվել է հիվանդի բուժման համար։

 1950– ստեղծվել է Եվրոպական հեռարձակողների միությունը: 

1961– ԽՍՀՄ-ից տիեզերք է ուղարկվել «Վեներա-1» ավտոմատ միջմոլորակային կայանը, որը Վեներա մոլորակի ուսումնասիրության համար ստեղծված առաջին կայանն է: 

1994-կայացել է 17-րդ Ձմեռային օլիմպիական խաղերի բացումը (Լիլլեհամմեր, Նորվեգիա)։ 2017 -վախճանվել է ամերիկյան ջազային երաժիշտ և երգիչ Էլ Ջերրոն։