ՊԱՏՄՈՒԹՅԱՆ ԱՅՍ ՕՐԸ (20 ՄԱՐՏԻ)․ Առա­ջին ան­գամ պատ­վե­րով ար­տադր­վել է մուլտ­ֆիլմ

ՏՈՆԵՐ

Ֆրանկաֆոնիայի համաշխարհային օր, Երջանկության համաշխարհային օր, Ճնճղուկների համաշխարհային օր, Թունիս՝ Անկախության օր, Պարսիկներ, գիլանցիներ, քրդեր, զրադաշտականներ և Իրանի ազդեցության տակ գտնվող երկրներ՝ Նովրուզ։

ՀԱՅ-ՀԱՅԱՍՏԱՆ

1784 –վախճանվել է բանաստեղծ և կոմպոզիտոր Պետրոս Ղափանցին։ 

1857- ծնվել է գուսան և երգահան, ժամանակակից գուսանական երգարվեստի սկզբնավորողներից մեկը՝ Շերամը։ 

1887- ծնվել է հայ հայտնի գիտնական-ակադեմիկոս, հասարակական գործիչ, արևելագետ, Էրմիտաժի տնօրեն Հովսեփ Օրբելին։ 

1918- ծնվել է 20-րդ դարի գեղանկարիչ, հայ արվեստի դասական Հրանտ Ստեփանյանը։ 

1921- զոհերից խուսափելու նպատակով 11-րդ Կարմիր բանակի ռազմական խորհրդի անդամ Օրջոնիկիձեն վերջնագիր է ներկայացրել Հայաստանի՝ Հայրենիքի փրկության կոմիտեին։ 

- Թիֆլիսից Երևան է ժամանել բանաստեղծ Հովհաննես Թումանյանը։ 

1921 - ծնվել է գրող, բանաստեղծ, թարգմանիչ Սաղաթել Հարությունյանը։ 

1956 - վախճանվել է նշանավոր հայդուկ, Անդրանիկի անձնական քարտուղար և զինակից Մախլուտոն (Սմբատ Բորոյան, Զորավար Սմբատ)։ 

1972- Հայաստանի նախարարների խորհրդին առընթեր Հայկական հեռագրական գործակալությունը վերակազմավորվել է պետական ինֆորմացիոն գործակալության՝ Արմենպրեսի: 

1988 -Լեռնային Ղարաբաղի մարզկոմը ԼՂԻՄ-ը Հայաստանին միացնելու որոշում է ընդունել։ 

1992 - Կիևում տեղի է ունեցել ԱՊՀ երկրների նախագահների առաջին հանդիպումը։ 

1993- Մեծ Բրիտանիայի կառավարության որոշմամբ, Հայաստանին հատկացված մարդասիրական օգնությունը՝ 14 տոննա դեղորայք, հասել է Երևան։ 

2003- կառավարության որոշմամբ, 40 միլիոն դոլար կազմող միջուկային վառելիքի պարտքը ռուսաստանյան մատակարարին մարելու նպատակով ռուսաստանյան «ՌԱՈՆորդիգս» ընկերությանն է հանձնվել 25 միլիոն դոլար գնահատված «Սևան-Հրազդան» հիդրոէլեկտրակայանների կասկադը: 

2008- կառավարությունում քաղաքական չորս ուժեր՝ ՀՀԿ, ԲՀԿ, ՕԵԿ և ՀՅԴ, ստորագրել են քաղաքական կոալիցիայի համաձայնագիր: 

2018-«Հիմնադիր խորհրդարանի» առաջնորդ Ժիրայր Սեֆիլ յանը դատապարտվել է 10 տարի հինգ ամսվա ազատազրկման:

ԱՇԽԱՐՀ

մ.թ.ա. 44 -Գայ Հուլիոս Կեսարի հանդիսավոր թաղման ժամանակ կոնսուլ Մարկ Անտոնիոսը Հռոմի ժողովրդին հայտնել է Կեսարի կտակը, ըստ որի, Կեսարն իր բարեկամ Գայ Օկտավիային որդեգրել է և հայտարարել իր ժառանգորդ։ 

մ.թ.ա. 43 -ծնվել է հռոմեացի բանաստեղծ Պուբլի Օվիդի Նազոնը։ 

59 -վախճանվել է Հռոմի կայսր Կլավդիոսի կին և Ներոնի մայր Ագրիպինա Կրտսերը։ 

321 - Հռոմի կայսր Կոստանդիանոս Ա Մեծը հրամայում է տոնել կիրակի օրը։ 

1639 - ծնվել է Զապորոժիեի բանակի հետման Իվան Մազեպան։ 

1684 - վախճանվել է անգլիացի ֆիզիկոս, մաթեմատիկոս, աստղագետ, փիլիսոփա Իսահակ Նյուտոնը։ 1792 -Ֆրանսիայի Ազգային ժողովը ընդունել է մահապատիժների ժամանակ գիլ յոտին օգտագործելու որոշում։ 

1815-Նապոլեոն Բոնապարտը Էլբա կղզուց փախուստից հետո վերադարձել է Փարիզ, և սկսվել է նրա գահակալության «հարյուր օրը»։ 

1828 - ծնվել է նորվեգացի դրամատուրգ, հրապարակախոս Հենրիկ Իբսենը։ 1854 -ԱՄՆ-ում հիմնադրվել է Հանրապետական կուսակցությունը։ 

1915 -ծնվել է ռուս վիրտուոզ- դաշնակահար Սվյատոսլավ Ռիխտերը։ 1921- ԱՄՆ-ի Կանզաս սիթիում առաջին անգամ պատվերով արտադրվել է մուլտֆիլմ։ 

1933 - ծնվել է ռուս երկրաբան և բանաստեղծ Ալեքսանդր Գորոդնիցկին։ 1956- Թունիսը հռչակել է իր անկախությունը Ֆրանսիայից։ 

1990 - վախճանվել է ռուս աշխարհահռչակ ֆուտբոլային դարպասապահ Լև Յաշինը։ 

1991- երգիչ Էրիկ Կլեպտոնի 4-ամյա որդին` Կոնորը, զոհվել է Նյու Յորքում (ընկնելով շենքի 53-րդ հարկից). որդու հիշատակին Կլեպտոնը գրել է Tears in Heaven հայտնի երգը։ 

1993 - վախճանվել է գերմանա-ամերիկյան ֆիզիկոս, Նոբել յան մրցանակակիր Պոլիկարպ Կաշը։ 

2003 -սկսվել է կոալիցիոն ուժերի ներխուժումը Իրաք։ 

2015 -Հյուսիսային կիսագնդում տեղի է ունեցել արևի լրիվ խավարում։ 

2019 -Ղազախստանում նախագահի պարտականությունները ստանձնել է Կասիմ-Ժոմարտ Տոկաևը։

Կամո Խաչիկյան