ՊԱՏՄՈՒԹՅԱՆ ԱՅՍ ՕՐԸ (7 ԱՊՐԻԼԻ). Երև­ա­նում բաց­վել է Երի­տա­սար­դա­կան պա­լա­տը

ՏՈՆԵՐ ԵՎ ՀԻՇԱՏԱԿԻ ՕՐԵՐ

Ռուանդայի ցեղասպանության հիշատակի համաշխարհային օր, Առողջության համաշխարհային օր, Հայաստան՝ Մայրության և գեղեցկության օր, Մոզամբիկ՝ Կանանց օր, Ռուանդա՝ Ցեղասպանության հիշատակի օր, Ռուսաստան՝ Զոհված ստորջրյա նավաստիների օր։

ՀԱՅ-ՀԱՅԱՍՏԱՆ

1864- Շուշիում հիմնվել է Մարիամյան օրիորդաց դպրոցը, որը կանանց կրթության սկիզբն է դրել Արցախում։ 

1858 –ծնվել է գրող, դրամատուրգ Ալեքսանդր Շիրվանզադեն։ 

1915-թուրքերի հարձակումով սկսվել են Վանի ինքնապաշտպանական մարտերը։ Վանեցիները հաջողությամբ հետ են մղել հակառակորդի գրոհները և ոչնչացրել թշնամու մի շարք դիրքեր և ամրություններ։ 

1922- Մոսկվայում հիմնվել է Հայ արվեստի տունը: 

1937 –ծնվել է հայ ռեժիսոր, դերասան Վարուժան Խտշյանը։ 

1979- բացվել է Երևանի Երիտասարդական պալատը: 

1995 –վախճանվել է դերասանուհի Լենա Փաշինյանը։ 

2006-Հայաստանի գիտությունների ազգային ակադեմիայի նախագահ Ֆադեյ Սարգսյանը հրաժարական է ներկայացրել: 

2013-Շիրակի մարզի Վահրամաբերդ համայնքում տեղի է ունեցել արտակարգ դեպք. ռուսական զորքերի տանկային հրաձգարանի տարածքում ականի պայթյունից զոհվել է Վահրամաբերդ գյուղի երկու երեխա։ 

2015-«100-ամյակը առանց ռեժիմի» շարժման առաջնորդ Ժիրայր Սեֆիլյանը և «Հիմնադիր խորհրդարանի» ևս 4 անդամներ ձերբակալվել են ապրիլի 24-ին զանգվածային անկարգություններ կազմակերպելու կասկածանքով։ 

2016- գիշերը ղարաբաղա-ադրբեջանական հակամարտ զորքերի շփման գծի հյուսիսարևել յան (Թալիշի) ուղղությամբ Ադրբեջանի զինված ուժերը ձեռնարկել են դիվերսիոն հետախուզական գործողություն, բայց, տալով զոհեր, հետ են շպրտվել։

2019- «Երկրապահ կամավորականների միություն» հասարակական կազմակերպության 12-րդ արտահերթ համագումարում վարչության նախագահի պաշտոնում միաձայն ընտրվել է «Սասուն» կամավորական ջոկատի հրամանատար, ԱԺ պատգամավոր Սասուն Միքայել յանը:

ԱՇԽԱՐՀ

1498 -վախճանվել է Ֆրանսիայի թագավոր Կարլ 8-րդ Վալուան: 

1614 –վախճանվել է հույն նկարիչ Էլ Գրեկոն։ 

1652- հոլանդացի ճանապարհորդ Յան վան Ռիբեկը Հարավային Աֆրիկայում հիմնել է Քեյփթաունը։ 

1738 -Հռոմի պապ Կլիմենտ 12-րդը հատուկ բուլլայով մեղադրել է ազատ քարագործներին՝ մասոններին, երկերեսանիության, ցուցամոլության, հերետիկոսության և այլանդակությունների մեջ, մեղքերի շարքում հատուկ նշվել է նրանց գործունեության խորհրդավորությունը և գաղտնիությունը։ 

1762 -վախճանվել է իտալացի հանրահայտ ջութակագործ Պիետրո Գվարներին։ 1770 –ծնվել է անգլիացի բանաստեղծ Ուիլ յամ Վորդսվորթը։ 

1772 –ծնվել է ֆրանսիացի ուտոպիստ-սոցիալիստ Շառլ Ֆուրիեն։ 

1795- Ֆրանսիայում ընդունվել է օրենք, որը սահմանել է մետրը և կիլոգրամը որպես չափման միավոր։ 

1823 -վախճանվել է ֆրանսիացի գիտնական և գյուտարար Ժակ Ալեքսանդր Շարլը՝ օդապարիկի հայտնագործողը։ 

1827 -անգլիացի դեղագործ Ջոն Ուոկերը սկսել է վաճառել իր ստեղծած ծծմբե լուցկիները։

1836 -վախճանվել է անգլիացի գրող, լրագրող և փիլիսոփա Ուիլ յամ Գոդվինը՝ ուտիլիտարիզմի և անարխիզմի հիմնադիրը։ 

1926 -բրիտանուհի Վիոլետտա Գիբսոնը սպանության նպատակով կրակել է Իտալիայի դիկտատոր Բենիտո Մուսոլինիի ուղղությամբ, սակայն արձակած գնդակը միայն մասնակի վնասել է Մուսոլինիի քիթը։ 

1927- ամերիկացի գիտնական Հերբերտ Այվսը իրականացրել է աշխարհում առաջին հեռուստահեռարձակումը մեծ տարածության վրա (Նյու Ջերսիից Նյու Յորք)՝ փոխանցելով ԱՄՆ-ի այն ժամանակվա առևտրի նախարար, ԱՄՆ ապագա նախագահ Հերբերտ Հուվերի պատկերը։ 

1939- ծնվել է ամերիկացի նշանավոր ռեժիսոր Ֆրենսիս Ֆորդ Կոպպոլան («Կնքահայրը», «Ապոկալիպսիսը հիմա»)։ 1939- ֆաշիստական Իտալիան հարձակվել է Ալբանիայի վրա։ 

1945 -Երկրորդ համաշխարհային պատերազմի ժամանակ ամերիկյան ռմբակոծիչները խորտակել են ճապոնական «Յամատո» ֆլագմանը, որի արդյունքում զոհվել է ավելի քան 3 000 մարդ։ 1946-ԽՍՀՄ-ի կազմում կազմավորվել է Քյոնինսբերգի՝ ներկայիս Կալինինգրադի մարզը։

 1947 –վախճանվել է ամերիկացի գործարար Հենրի Ֆորդը։ 

1954- ծնվել է հոնկոնգցի հանրաճանաչ դերասան, ռեժիսոր, կասկադյոր Ջեքի Չանը։ 

1957 -Նյու Յորքի վերջին տրոլեյբուսն իրականացրել է իր վերջին երթուղին։ 

1969-հրապարակվել է RFC-1-ը, այդ օրը համարվում է ինտերնետի ստեղծման խորհրդանշական օր։ 

1989 -Նորվեգական ծովում խորտակվել է խորհրդային «Կոմսոմոլեց» ատոմային սուզանավը։ 

1994 -սկսվել է ցեղասպանությունը Ռուանդայում (ընդհանուր հաշվով 100 օրվա ընթացքում սպանվել է մոտ 937 000 մարդ)։

 2003- ամերիկյան բանակը գրավել է Բաղդադը։

Կամո Խաչիկյան