Փորկապություն կանանց մոտ. 8 հիմնական քայլ՝ խնդիրը լուծելու համար

ЛАЙФ 7 Апрель, 2020 12:14

Steptohealth.ru կայքը գրում է, որ կանայք հաճախ են հանդիպում փորկապության խնդրին: Խնդիրն այժմ ամենատարածվածներից է: Աշխարհում բնակչության 20 տոկոսն այսպիսի խնդիրներով է տառապում, նրանց մեծ մասը կանայք են: Կայքը ներկայացրել է մի քանի խորհուրդ այդ խնդրից ազատվելու համար:

1. Ամբողջական նախաճաշը պետք է սննդակարգի պարտադիր մաս դառնա: Առավոտյան նախաճաշելն անգնահատելի է օրգանիզմի համար:

2. Մարդիկ սխալ են վարվում՝ ընթրիքին մեծ քանակով մթերք օգտագործելով: Սա, իհարկե, հաճախ կապված է նրա հետ, որ աշխատանքային ծանր գրաֆիկի պատճառով մարդիկ չեն հասցնում մինչև դրա ավարտը սնունդ օգտագործել: Հարկավոր է հիշել, որ երեկոյան աղիների աշխատանքը դանդաղում է, և բժիշկները խորհուրդ են տալիս ուտել քնելուց նվազագույնը 2 ժամ առաջ՝ ընտրելով թեթև մթերքներ:

3. Բանջարեղենը հիանալիորեն կարգավորում է մարսողական համակարգի աշխատանքը: Բանջարեղենի մի մասը դրական ազդեցություն է թողնում օրգանիզմի վրա:

4. Օրգանիզմի վրա ազդեցություն են ունենում նաև մրգերը: Խնձորը, սալորը, տանձը նախընտրելի է օգտագործել կեղևով:

5. Ուշադիր եղեք դիետաներ ընտրելիս: Յուրաքանչյուր անգամ, երբ որոշում եք դիետա պահել, համոզվեք, որ ձեր կողմից օգտագործվող սննդի մեջ լինեն անհրաժեշտ քանակով վիտամիններ, հանքանյութեր, սպիտակուցներ և պրոտեիններ:

6. Փորկապության դեպքում կարող է օգնել նաև ձիթապտղի յուղը:

7. Փորկապության դեմ պայքարելու համար սննդակարգից հանեք այն բոլոր մթերքները, որոնք օրգանիզմը դժվար է մարսում: Քաղցրեղենը, կիսաֆաբրիկատները, ռաֆինացված ալյուրը չափազանց շատ շաքար և ճարպեր են պարունակում:

8. Ֆիզիկական ակտիվությունն օգտակար է բոլորին: Ամեն օր կես ժամ նվիրեք զբոսանքին, հեծանիվ քշելուն, լողին կամ այլ սպորտաձևերի: