ՊԱՏՄՈՒԹՅԱՆ ԱՅՍ ՕՐԸ (10 ԱՊՐԻԼԻ). «Տի­տա­նիկ» զբո­սա­նա­վը սկսել է իր առա­ջին և վեր­ջին նա­վար­կու­թյու­նը

ՏՈՆԵՐ

Ֆաշիզմի դեմ դիմադրության շարժման համաշխարհային օր, Ուկրաինա՝ Օդեսայի ազատագրման օր:

ՀԱՅ-ՀԱՅԱՍՏԱՆ

1840– դադարել է գոյություն ունենալ Հայկական մարզը, որը ստեղծվել էր 

1828 թվականին Նիկոլայ 1-ին ցարի հրամանագրով Թուրքմենչայի պայմանագրի վավերացումից հետո: 

1913-ծնվել է ԽՍՀՄ կրկնակի հերոս, օդաչու Նելսոն Ստեփանյանը: 

1937 –ծնվել է կոմպոզիտոր, դիրիժոր, գրող, հասարակական գործիչ Հենրիկ Անասյանը։ 

1988-ղարաբաղյան հակամարտության ժամանակ առաջին անգամ Ստեփանակերտ է այցելել Արկադի Վոլսկին, որպես ԽՄԿԿ Կենտկոմի ներկայացուցիչ, որը փաստացի դարձել էր տարածաշրջան մտցված խորհրդային բանակի ղեկավար։ 

1992- ղարաբաղյան հակամարտության ժամանակ տեղի է ունեցել Մարաղայի կոտորածը: Ադրբեջանական «Գուրթուլուշ» գումարտակը զրահամեքենաների ուղեկցությամբ ներխուժել է Լեռնային Ղարաբաղի Մարդակերտի շրջանի Մարաղա գյուղ (4660 բնակիչ), որի արդյունքում զոհվել է հինգ տասնյակից ավելի խաղաղ բնակիչ: 

1994 - ղարաբաղյան հակամարտության ժամանակ հայկական բանակը սկսել է «ՏերՏեր» օպերացիան: Ճակատամարտին մասնակցել է շուրջ 1 500 մարտիկ, 30 միավոր զրահամեքենա, 17 տանկ։

 2002-«Քաղաքացիական ազգային նախաձեռնություն» հասարակական կազմակերպության հիմնադիր Րաֆֆի Հովհաննիսյանը հայտարարել է ընտրություններին մասնակցելու համար նոր ուժի ստեղծման մասին: 

2004-ընդդիմությունը, ի դեմս Ալբերտ Բազեյանի, Արտաշես Գեղամյանի, Շավարշ Քոչարյանի, Արամ Սարգսյանի և այլոց, դուրս է եկել Ազատության հրապարակ ցույցի: 

2013-Կարեն Դեմիրճյանի անվան մարզահամերգային համալիրում կայացած ԱԺ հատուկ նիստում Հայաստանի երրորդ նախագահ Սերժ Սարգսյանը երկրորդ անգամհնգամյա ժամկետով ստանձնել է պետության ղեկավարի պարտականությունները:

-Րաֆֆի Հովհաննիսյանը բազմամարդ հանրահավաք է անցկացրել Ազատության հրապարակում, ապա երթով ուղևորվել դեպի Բաղրամյան 26, որտեղից էլ` Ծիծեռնակաբերդ՝ ոստիկանապետ Վլադիմիր Գասպարյանի ուղեկցությամբ։

2014-ԱՄՆ-ի Սենատի արտաքին հարաբերությունների հանձնաժողովը ընդունել է Հայոց Ցեղասպանության փաստը դատապարտող բանաձև։

ԱՇԽԱՐՀ

401– ծնվել է Բյուզանդիայի միանձնյա կայսր Թեոդոսիոս Բ Փոքրը: 

1727-ծնվել է գերմանացի ուսուցիչ, խուլհամրերին սովորեցնելու մեթոդի գյուտարար Սամուել Հեյնիկեն:

1741-տեղի է ունեցել Մոլվիցի ճակատամարտը (Պրուսիա-Ավստրիա): 

1813-վախճանվել է ֆրանսիացի մաթեմատիկոս, մեխանիկ և աստղագետ Ժոզեֆ Լագրանժը: 

1906-Ռուսաստանի ամառանոցային Օզերկի գյուղում սպանել են քահանա Գապոնին: 

1912- Սոուտհեմպտոնյան նավահանգստից «Տիտանիկ» զբոսանավը դուրս է եկել իր առաջին և վերջին նավարկությանը:

 1932-ծնվել է եգիպտացի հանրահայտ դերասան Օմար Շարիֆը:

1940– Իսլանդիան փաստացի առանձնացել է Դանիայից:

1941-գերմանացիների կողմից գրավված Զագրեբ քաղաքում հայտարարվել է Խորվաթիա պետության ստեղծումը:

1963-խորտակվել է ամերիկյան «Տրեշեր» ատոմային սուզանավը, զոհվել են անձնակազմի բոլոր 129 անդամները:

1970– թողարկվել է առաջին «Ժիգուլի» ավտոմեքենան` ՎԱԶ-2101-ը:

1995-Ռուսաստանում գրանցվել է «Գարեջրի սիրահարների» կուսակցությունը:

2010- Սմոլենսկում վթարի է ենթարկվել Տու-154 ինքնաթիռը, զոհվել է 96 մարդ, այդ թվում՝ Լեհաստանի նախագահ Լեխ Կաչինսկին և պետության այլ հայտնի գործիչներ:

2019 -աշխարհին է ներկայացվել սև անցքի առաջին լուսանկարը։