Ամանորի բարեգործական տոնավաճառ Վարշավայում
БЛОГԼեհաստանի Հանրապետությունում Հայաստանի Հանրապետության արտակարգ և լիազոր դեսպան Էդգար Ղազարյանը Ֆեյսբուքյան իր էջում գրում է.
2015 թվականի նոյեմբերի 29-ին Վարշավայի Marriott Warsaw հյուրանոցում տեղի ունեցավ ավանդական Ամանորի միջազգային տոնավաճառ (8th International Charity Bazaar), որը կազմակերպել էր Լեհաստանում հավատարմագրված օտարերկրյա առաքելությունների ղեկավարների կանանց (ամուսինների) ասոցիացիան (SHOM)՝ Լեհաստանի արտաքին գործերի նախարարության և Marriott հյուրանոցի հետ համագործակցությամբ: Միջոցառումն իրականացվում է Լեհաստանի Առաջին տիկին Ագաթա Կորնհաուսեր-Դուդայի հովանու ներքո: Տոնավաճառին Հայաստանի դեսպանությունը մասնակցում էր մի քանի տաղավարներով՝ ներկայացնելով հայկական ձեռագործ զարդեր, հուշանվերներ, կոնյակներ, Հայաստանում, ինչպես նաև Եվրոպայում հայ գործարարների կողմից արտադրված տարբեր արտադրատեսակներ, հայկական խոհանոցի բարիքներ: Տոնավաճառի արդյունքներն օգտագործվելու են բացառապես բարեգործական նպատակներով: Տոնավաճառին իր ներկայությամբ պատվեց նաև Լեհաստանի Առաջին տիկին Ագաթա Կորնհաուսեր-Դուդան: Միջոցառմանը մասնակցում էին բազմաթիվ երկրների դեսպաններ, հյուրեր, Վարշավայի հազարավոր բնակիչներ: