Երբ ամբողջ միտինգից ու երիթից ամենահայտնի դրվագը Րաֆիի վարդերն են մնում
БЛОГԷդգար Խաչատրյանը Ֆեյսբուքյան իր էջում գրում է.
Աբսուրդը սկսվում է այնտեղ, երբ մարդկանց ելույթները լսում ես ու վերլուծելու նյութ չես ունենում: Որովհետև այդ ամենը բազմից ես լսել ու բազմիցս արդեն խոսել ես այդ ամենի մասին: Ընդդիմությունը, ՈՉ-ը պետք է թարմացնի իր գունապնակը: Հանրահավաքների միօրինակությունը, նստացույցերի ու կոչերի միօրինակությունը արդեն հոգնեցրել են, ամեն անգամ ազատության հրապարակում մեկ երկու գիշեր քնելուց հետո գնում են տներով և այդ ամենի արդյունքում էլի ժողովուրդն է տուժում: Կամ էլ նստացույց են հայտարարում ու օրերով իրենց հայտարարած նստացույցի վայրում չեն երևում:
Այսօր 18:00-ին կհավաքվեն ու երեկվանից չտարբերվող կոչերը կսկսվեն՝ ռեժիմը պետք է հեռացվի, հիմա, սկսվել ա, խուճապը և ռեժիմը իրար կհաջորդեն բառերի մեջ: Ոստիկանների հետ թեթև քաշքշոցը որպես 3-րդ համաշխարհային կներկայացվ ու հաջորդ օրվա նույն սցենարի կրկնության համար կկրկնեն գիշերը Ազատության հրապարակում մնալու սցենարը:
Երբ ամբողջ միտինգից ու երիթից ամենահայտնի դրվագը Րաֆիի վարդերն են մնում ուրեմն պետք է դադարեցնել այս ամենը: