ՊԱՏՄՈՒԹՅԱՆ ԱՅՍ ՕՐԸ (28 ԱՊՐԻԼԻ)․ Հանդիպումներ՝ ներքաղաքական լարվածությունը թուլացնելու և լուծումներ գտնելու նպատակով

ՏՈՆԵՐ

Աշխատանքի անվտանգության համաշխարհային օր:

ՀԱՅ-ՀԱՅԱՍՏԱՆ

1802– Ամենայն հայոց կաթողիկոս է օծվել Դավիթ Ե Էնեգեթցին: 

1889– ծնվել է նշանավոր դերասանուհի Արուս Ոսկանյանը: 

1893 –ծնվել է գրող Մարտիրոս Վեսպերը (Դաբաղյան); 

1903– ծնվել է կինոյի և թատրոնի դերասան Թադևոս Սարյանը: 

1927 –ծնվել է խորհրդային ֆիտոֆիզիոլոգ Մարիա Սարկիսովան։ 

1993– ամերիկահայ երգչուհի Շերը (Շերիլին Սարգսյան) այցելել է Հայաստան՝ իր հետ բերելով 2,5 միլիոն դոլարի օգնություն: 

2005- թուրքական Ուրֆայում սկսվել է Ստամբուլում հրատարակվող «Ակոս» հայկական թերթի գլխավոր խմբագիր Հրանտ Դինքի նկատմամբ հարուցված գործով դատավարությունը: 

2006- քրեական խոշոր գործ է բացվել Կալիֆորնիայում, որի շրջանակներում ձերբակալվել է 5 մարդ, որոնցից 3-ը՝ հայ: Ըստ մեղադրանքի, նրանք բժշկական Medicare ապահովագրական ընկերությունից շորթել են 20 միլիոն դոլար: 

2016-Ռուսաստանից Հայաստան է տեղափոխվել «Տանկային բիաթլոն-2014» միջազգային մրցույթի ընթացքում հայ տանկիստների նվաճած մրցանակը` 2015 թվականի արտադրության Տ-90Ս տանկը: 

2017-ԱՄՆ-ի Կոլորադո նահանգի գլխավոր վեհաժողովը զույգ պալատների՝ Սենատի և Ներկայացուցիչների տան անդամների միաձայն քվեարկությամբ ընդունել է թիվ 17-042 համատեղ բանաձևը, որով այդ և հետագա տարիների ապրիլի 24-ը հռչակվել է Հայոց ցեղասպանության հիշատակի օր Կոլորադոյում։ 

2018-Հայաստանի նախագահ Արմեն Սարգսյանը ընդդիմադիր շարժման առաջնորդ Նիկոլ Փաշինյանի հետ ունեցած հանդիպումից հետո շարունակել է խորհրդակցությունների շարքը ներքաղաքական լարվածությունը թուլացնելու և լուծումներ գտնելու նպատակով. հանդիպումներ են եղել Սերժ Սարգսյանի և վարչապետի պաշտոնակատար Կարեն Կարապետյանի հետ:

ԱՇԽԱՐՀ

1503 -տեղի է ունեցել Չերինոլի ճակատամարտը իսպանացիների և ֆրանսիացիների միջև, որը աշխարհում առաջին ճակատամարտն է, որի ժամանակ վառոդային հրազենի օգտագործման շնորհիվ այն օգտագործող կողմը հաղթանակ է տոնել։

1545 -ծնվել է կորեացի ռազմածովային Լի Սունսին, որը ստեղծել է աշխարհում առաջին զրահանավը։

1686 -Իսահակ Նյուտոնը Թագավորական ընկերությանն է ներկայացրել իր «Բնական փիլիսոփայության մաթեմատիկական սկիզբը» դասական աշխատության առաջին հատորը։

1784 -գյուտարարներ Լոնուան և Բիենվենիուն Ֆրանսիայում ցուցադրել են աշխարհում պաշտոնապես ընդունված առաջին ինքնաշարժ ուղղաթիռի մոդելը։

1788– Մերիլենդը դարձել է ԱՄՆ-ի 7-րդ նահանգը:

1799 -ռուսական զորքերը գրավել են Միլանը։

1813 -վախճանվել է ռուս զորավար, գեներալ-ֆելդմարշալ Միխայիլ Կուտուզովը։

1847 -Լոնդենդերրից Քվեբեկ ուղևորվող «Exmouth» բրիտանական առագաստանավը նավաբեկության է ենթարկվել, որի արդյունքում զոհվել է 248 մարդ։

1852- ռուս գրող Իվան Տուրգենևը ձերբակալվել է Գոգոլի հիշատակին նվիրված հոդվածի համար։

1906 –ծնվել է չեխ-ամերիկյան մաթեմատիկոս Կուրտ Գյոդելը։

1908 -ստեղծվել է էսպերանտոյի համաշխարհային կազմակերպությունը։

1914 -ԱՄՆ-ում արտոնագրվել է օդորակիչը։ 

1923 - Լոնդոնում բացվել է «Ուեմբլի» մարզադաշտը։

1937 –ծնվել է Իրաքի 5-րդ նախագահ Սադդամ Հուսեյնը։

1939-Ադոլֆ Հիտլերը հայտարարել է, որ չեղարկում է լեհ-գերմանական չհարձակման մասին պայմանագիրը։

1945 –վախճանվել է Իտալիայի 27-րդ վարչապետ Բենիտո Մուսոլինին։

1945-Երկրորդ համաշխարհային պատերազմի ժամանակ Կարմիր բանակը Բեռլինում սկսել է Ռայխստագի գրոհը։

1952 - Դուայթ Էյզենհաուերը նշանակվել է ՆԱՏՕ-ի գերագույն հրամանատար։

 1967 -ամերիկացի բռնցքամարտիկ Կասսուիս Քլեյը (Մուհամեդ Ալի) զրկվել է մենամարտերին մասնակցելու իրավունքից՝ կապված նրա հետ, որ հրաժարվել է ծառայել ամերիկյան բանակում։

1969– Շառլ դը Գոլը ինքնակամ հրաժարվել է Ֆրանսիայի նախագահի պաշտոնից:

1974– ծնվել է իսպանացի հայտնի դերասանուհի Պենելոպե Կրուսը:

1990 -վերջին անգամ ԽՍՀՄ-ում շնորհվել է մարշալի կոչում, որին արժանացել է Դմիտրի Յազովը։

2000- Թուրքիան, Ադրբեջանը և Վրաստանը ստորագրել են պայմանագիր, համաձայն որի, նախատեսվել է կառուցել Ռուսաստանը շրջանցող նավթամուղ։

2001 -կայացել է առաջին տիեզերական զբոսաշրջիկ ամերիկացի Դենիս Տիտոնի թռիչքը տիեզերք։

2002 -ավիավթարում զոհվել է Կրասնոդարի մարզի մարզպետ, գեներալ-լեյտենանտ Ալեքսանդր Լեբեդը։

2019 -վախճանվել է ռուսական և խորհրդային ավիանախագծող, Իլ-76 ծանր ռազմա-տրանսպորտային ինքնաթիռի ստեղծող Հենրիխ Նովոժիլովը։

Կամո Խաչիկյան