Հնարավոր է՝ վարկաբեկելով չբավարարվեն
ПОЛИТИКАԻնչպես հայտնի է, ՀՀ նախկին վարչապետներ Վազգեն Մանուկյանը, Խոսրով Հարությունյանը և Կարեն Կարապետյանը, ինչպես նաև Արցախի նախկին վարչապետ Անուշավան Դանիելյանը հանդես են եկել ՀՀ երկրորդ նախագահ Ռոբերտ Քոչարյանի խափանման միջոց կալանքը անձնական երաշխավորությամբ փոխարինելու առաջարկով:
Խափանման միջոցը փոխելու միջնորդությունը դատարանը քննության առավ մայիսի 8-ին, իսկ որոշումը կհրապարակվի վաղը: Այս օրերին իշխանամերձ որոշ շրջանակներ, ինչպես նաև իշխանության առանձին սատելիտներ տեղեկատվական տարբեր հարթակներով հետևողականորեն փորձում են տարբեր տեղեկություններ ու նյութեր «պեղել» (այդ թվում՝ տարիներ առաջ հրապարակված), որոնք այս կամ այն կերպ կարող են վարկաբեկել ՀՀ և ԱՀ նախկին վարչապետներին: Նպատակն է՝ այնպիսի տպավորություն ձևավորել, թե նրանք հեղինակություն չեն վայելում:
«Փաստ» թերթի տեղեկություններով, սրանք ինքնագործունեության դրսևորումներ չեն. խոսքը իշխանությունների կողմից կազմակերպված արշավի մասին է: Ավելին, կուլիսներում խոսակցություններ կան, որ իշխանությունները գուցե միայն վարկաբեկելով չբավարարվեն: