ՊԱՏՄՈՒԹՅԱՆ ԱՅՍ ՕՐԸ (14 ՄԱՅԻՍԻ). Նստա­ցույց՝ կա­ռա­վա­րու­թյան շեն­քի դի­մաց, միջ­պե­տա­կան ճա­նա­պար­հի փա­կում՝ Լո­ռի­ում

ՏՈՆԵՐ

Վրաստան՝ Թամարոբա (Թամար թագուհու հիշատակի օր), Իսրայել՝ Անկախության օր, Իրան՝ Հակածխախոտային պայքարի օր, Լիբերիա՝ Ինտեգրացիայի օր, Ֆիլիպիններ՝ Սահմանադրության օր։

ՀԱՅ-ՀԱՅԱՍՏԱՆ

1884-վախճանվել է դերասանուհի Աստղիկը (Ամպեր Գանթարճյան)։ 

1907-ծնվել է հայ նշանավոր խմբավար Միքայել Թավրիզյանը։ 

1923- ծնվել է ուկրաինահայ կինոօպերատոր և ռեժիսոր Սուրեն Շահբազյանը։ 

1940-ծնվել է լրագրող, հաղորդավար և հրապարակախոս Ռոբերտ Մավիսակալյանը։ 

1992-Հայաստանը դիվանագիտական հարաբերություններ է հաստատել Կամբոջայի հետ։ 

1993-Հայաստանը դիվանագիտական հարաբերություններ է հաստատել Անտիգուայի և Բարբուդայի հետ։ -ստեղծվել է ԱՊՀ տնտեսական միությունը։ 

2001- կառավարության որոշմամբ վերացվել է ծննդօգնության ժամանակ բժշկական սպասարկման համար համավճարի համակարգը: 

2004-տասնօրյա ընդմիջումից հետո Հայաստանի միացյալ ընդդիմությունը հանրահավաք է անցկացրել Մատենադարանի մոտ՝ կոչ անելով ավելի մեծ թվով մարդկանց մասնակցել հանրահավաքներին: 

2008-ըստ Business Software Alliance կազմակերպության հրապարակած զեկույցի, Հայաստանը գլխավորել է աշխարհի այն երկրների ցուցակը, որտեղ մեծ տարածում ունեն համակարգչային ապօրինի ծրագրերը։ 

2010-Հայաստանի բոլոր թանգարաններում անցկացվել է «Բաց դռների օր»: Թանգարանները ամբողջ օրվա ընթացքում գործել են անվճար և բաց են եղել մինչև կեսգիշեր: 

2015-«Նաիրիտի» հարյուրավոր աշխատակիցներ նստացույց են սկսել կառավարության շենքի դիմաց՝ պահանջելով իրենց մեկուկես տարվա չվճարված աշխատավարձը։ 

2018-Լոռու մարզի մի շարք գյուղերի բնակիչներ մոտ կես ժամ փակ են պահել Վանաձոր-Սպիտակ միջպետական ճանապարհը՝ այդպիսով իրենց դժգոհությունն արտահայտելով կաթի մթերման ցածր գներից: 

-Երևանի քաղաքապետ, հանրապետական Տարոն Մարգարյանի հրաժարականը պահանջող մի խումբ քաղաքացիներ վաղ առավոտյան մեքենաներով փակել են Երևանի քաղաքապետարանին հարող Արգիշտիի փողոցը։

ԱՇԽԱՐՀ

1147-երկրորդ խաչակրաց արշավանքի ժամանակ Կոնրադը և գերմանացի խաչակիրները լքել են Ռեգենսբուրգը։

1316-ծնվել է Գերմանիայի թագավոր և Սուրբ Հռոմեական Կայսրության իմպերատոր Կարլ Չորրորդը։

1553-ծնվել է Ֆրանսիայի թագուհի Մարգարիտա դը Վալուան, որն ավելի շատ հայտնի է Մարգո թագուհի անվանումով։

1607-անգլիացիները հիմնել են իրենց առաջին մշտական բնակավայրը նոր երկրում ՝ Ջեյմսմուտը։

1610-Ֆրանսիայի թագավոր Հենրիխ 4-րդի սպանությունից հետո գահ է բարձրացել 9ամյա Լյուդովիկոս 14-րդը։

1771-ծնվել է անգլիացի սոցիալիստ-ուտոպիստ Ռոբերտ Օուենը։

1796-անգլիացի վիրաբույժ Էդվարդ Ջենները իրականացրել է առաջին հաջողված պատվաստումը ծաղիկ հիվանդության դեմ։ 1836-ծնվել է գերմանացի շախմատիստ, աշխարհի առաջին չեմպիոն Վիլհելմ Ստեյնիցը։

1869-հիմնադրվել է ղազախական Ակտյուբինսկ քաղաքը։

1878- Ամերիկա գաղթած անգլիացի Ռոբերտ Չեզբոյի կողմից արտոնագրվել է վազելինը։

1908-աշխարհում առաջին ուղևորային աերոպլանի օդաչու Ուիլբեր Ռայտն իր հետ թռիչքի է վերցրել Չարլզ Ֆրենսիսին և իրականացրել է թռիչք 600 մետր հեռավորությամբ, որը տևել է 28,6 վայրկյան։

1941-գերմանացի նացիստների կողմից Փարիզում ձերբակալվել է 3 600 հրեա։

1948-հռչակվել է Իսրայելի անկախությունը։

1955-Վարշավայում Ալբանիան, Բուլղարիան, Հունգարիան, ԳԴՀ-ն, Լեհաստանը, Ռումինիան, Չեխոսլովակիան և ԽՍՀՄ-ը ստորագրել են բարեկամության, համագործակցության և փոխադարձ օգնության մասին պայմանագիրը. ստեղծվել է Վարշավայի պայմանագրի երկրների դաշինքը։

1984-ծնվել է «Ֆեյսբուք» սոցիալական ցանցի հիմնադիր և տնօրեն Մարկ Ցուկենբերգը։

1993-Լիտվան, Սլովենիան և Էստոնիան դարձել են Եվրախորհրդի անդամներ։ 

2009-տիեզերք է ուղարկվել բրիտանացի աստղագետ Ուիլյամ Գերշելի անունով կոչված Գերշել աստղադիտակը։

Ի ՄԻ ԲԵՐԵՑ Կ. ԽԱՉԻԿՅԱՆԸ