Հստակ է, որ մինչև դեկտեմբերի 6-ը Հայաստանում իշխանափոխություն չի լինի
БЛОГՆարեկ Գալստյանը Ֆեյսբուքյան իր էջում գրում է.
ՈՉ-ի կողմնակիցների ճակատագրական սխալը Սահմանադրության փոփոխությունների հանրաքվեի տապալումը իշխանությունների հեռացման հետ նույնականացնելն է: Այսկերպ, նախ հերթական անգամ հիասթափեցնում են իրենց աջակիցներին, կրկին անգամ պարտվողական հոգեբանություն ստեղծում իրենց շարքերում: Ավելի ազնիվ է այս գործընթացն օգտագործել առաջիկա խորհրդարանական ընտրություններին մասնակցելու համար: Հստակ է, որ մինչև դեկտեմբերի 6-ը Հայաստանում իշխանափոխություն չի լինի, իսկ ամեն մի 500 հոգանոց հավաք իշխանափոխության հայտ չի կարող ներկայացնել: Նույնը արեցին ապրիլի 24-ին, նույնը արեցին հրաշալի քառյակ-եռյակի ժամանակ, նույնը անում են նաև հիմա: Պետք չէ ամեն անգամ այդքան բարձր նիշ դնել, քաղաքացիներին խաբելով հրապարակ բերել՝ շատ լավ իմանալով, որ սա ընդամենը քաղաքական գործընթաց է, որը չի բերելու և ոչ մի արմատական փոփոխության իշխանություն-ընդդիմություն հարաբերակցության մեջ...