Ինչպես պահպանել և ցանել օծանելիքը

ЛАЙФ 5 Декабрь, 2015 20:13

Քսանմեկերորդ դարում օծանելիքը դարձել է յուրաքանչյուր կնոջ կյանքի անբաժանելի մասը: Սակայն քչերը գիտեն, թե ինչպես հոգ տանել օծանելիքի մասին, ընտրել ու պահանել այն և, ամենակարևորը, ինչպես ճիշտ ցանել:

Ինչպես ճիշտ պահպանել օծանելիքը

Օծանելիքն ունի չորս թշնամի. օդը, տաքությունը, լույսը և ժամանակը: Շատ կարևոր է ամուր փակված օծանելիքի շիշը պահել տուփի մեջ, ցանկալի է` սառը տեղում: Եթե օծանելիքը վաճառվել է առանց տուփի, ապա արժե շիշը փաթաթել մուգ թղթի մեջ և պահել մութ տեղում:

Ժամանակի հետ օծանելիքը կորցնում է իր հարուստ բույրը, իսկ երբեմն էլ ձեռք բերում տհաճ հոտ: Այդ իսկ պատճառով չարժե օծանելիք գնել «վաղվա օրվա համար»:

Նկատի ունեցեք, որ հմայքը ձևավորվում է բույրի թելադրանքով: Եթե օգտվեք միևնույն օծանելիքից, ապա բույր դադարում է զգացվել: Այդ պատճառով անգամ ամենասիրած ապրանքանիշների օծանելիքները հարկ է երբեմն փոխել:

Ինչպես ճիշտ ցանել օծանելիքը

Ոչ մի դեպքում օծանելիքը չի կարելի ցանել զգեստի վրա: Դրանից կարող են լաքաներ մնալ, որոնցից հետագայում դժվար կլինի ազատվել: Դրա փոխարեն կարելի է վերցնել բրդե թել, այն ցողել օծանելիքով, թողնել, որ վեջինս ներծծվի, որից հետո այն ամրացնել զգեստի հակառակ կողմից` օձիգին մոտ:

Որպեսզի օծանելիքը ձեզ պատի բույրի անկրկնելի ամպով, այն պետք է քսել մարմնի տաք հատվածներին, որնոց տակ բաբախում է արյունը: Օրինակ, ականջների հետևում, դաստակների ներսի մասում, ծնկների տակ, մազային արմատների հիմքերին, պարանոցին: Սակայն ոչ բոլոր տեղերին` միաժամանակ: Միջինը օծանելիքի բույրը պահպանվում է 3 ժամ:

Հիշեք` օծանելիքն ընտրելիս երբեք հոտ մի քաշեք անմիջապես շշից: Ավենալավը կլինի, եթե մեկ կաթիլ տարածեք ափի թիկունքային մասին և մի քանի րոպեից կարող եք զգալ շշի պարունակության ողջ փունջը:

Եվս մեկ հանգամանք` ճիշտ ընտրված օծանելիքը կարող է ընդգծել ձեր բնավորությունը:

Աղբյուր` LADYNEWS.am