Ինչու հենց Հադրութը. Հայտնի բլոգերը մանրամասներ է ներկայացնում ու հայտնում, որ թշնամին թողել է 100 դիակ ու փախուստի դիմել
БЛОГԱդրբեջանի գեներալները խաբել են Իլհամ Ալիևին՝ հայտարարելով, որ գրավել են Արցախի մեծ մասը, այդ թվում՝ Հադրութը: Այս մասին ֆեյսբուքյան իր էջում գրում է բլոգեր Ալեքսանդր Լապշինը:
Լապշինը գրում է, որ ադրբեջանցիները սևեռվել են հենց Հադրութի վրա, քանի որ այն գտնվում է դեպի Արցախի մայրաքաղաք Ստեփանակերտը գլխավոր ճանապարհի վրա:
Իսկ այն բանից հետո, երբ Ալիևը հայտարարել է, որ Հադրութը վերցրել են, ադրբեջանցի գեներալները ստիպված են եղել բոլոր ուժերը նետել հենց այդ քաղաքի վրա: Այդ ուժերի մեջ են եղել նաև մոտ 200 թուրք հատուկջոկատայիններն ու սիրիացի իսլամիստները:
Ադրբեջանական ուժերն ուղղակի շանս չեն ունեցել վերցնել Հադրութը, դրա համար փորձել են գոնե դրոշ բարձրացնել քաղաքապետարանի վրա, նկարահանել այն ու փախուստի դիմել: Սակայն նրանք նույնիսկ դա չեն կարողացել անել՝ քաղաքում թողնելով 100 դիակ, դիմել են փախուստի՝ չկարողանալով տեսանյութ պատրաստել:
«Հիմա ես չեմ նախանձում այդ գեներալներին: Նույնիսկ չգիտեմ, թե ինչ բացատրություն են տալու Ալիևին, ում ամբողջ աշխարհի առաջ հիմար վիճակում դրեցին»,-գրում է բլոգերը: