ՊԱՏՄՈՒԹՅԱՆ ԱՅՍ ՕՐԸ (19 ԴԵԿՏԵՄԲԵՐԻ). Սկսվել է ԽՍՀՄ ներ­քին զոր­քե­րի դուրս­բե­րու­մը Լեռ­նա­յին Ղա­րա­բա­ղից. «Փաստ»

«Փաստ» օրաթերթը գրում է

ՏՈՆԵՐ

Ռուսաստան՝ Ռազմական հակահետախուզության օր, Ուկրաինա՝ Դատախազության օր:

ՀԱՅ-ՀԱՅԱՍՏԱՆ

1892 –վախճանվել է հրապարակախոս Գրիգոր Արծրունին:

1906– ծնվել է մաթեմատիկոս, ակադեմիկոս և մանկավարժ Արտաշես Շահինյանը:

1928 - ծնվել է հասարակական-քաղաքական գործիչ, ՀՅԴ կուսակցության անդամ Հրայր Մարուխյանը:

1949 - ծնվել է դերասան Վրույր Հարությունյանը:

1957 - վախճանվել է ծագումով հայ ռումինացի նկարչուհի Նուցի Ագոնցը:

1980 - վախճանվել է խորհրդահայ վաստակավոր նկարիչ Հրանտ Ստեփանյանը:

1991- սկսվել է ԽՍՀՄ ներքին զորքերի դուրսբերումը Լեռնային Ղարաբաղից, որը տևել է 8 օր:

2002-վախճանվել է գրող Հրանտ Մաթևոսյանը:

2003- Եվրամիության «Տասիս» ծրագրի շրջանակներում Հայկական ԱԷԿ-ին տրվել է անվտանգության աստիճանի բարձրացման հերթական օժանդակությունը՝ 4 միլիոն եվրո արժողությամբ։

2007- Գյումրիում տեղի է ունեցել բազմամարդ հանրահավաք` ի պաշտպանություն ԳԱԼԱ հեռուստաընկերության: 2015-ձերբակալվել է պաշտպանության նախկին փոխնախարար Վահան Շիրխանյանը՝ Արթուր Վարդանյանի կողմից ստեղծված հանցավոր խմբի հետ համագործակցության կասկածանքով:

2019- գիշերը անհայտ անձինք ներխուժել են «Ժողովուրդ» օրաթերթի և «ArmLur.am» կայքի խմբագրություն, փնտրել են ինչ-որ բան, ամեն ինչ տակնուվրա արել: Ըստ լրատվամիջոցի ներկայացուցիչների, նպատակը եղել է իրենց վախեցնելը և ճնշելը։

ԱՇԽԱՐՀ

1700 – ծնվել է ֆրանսիացի հոգևորական (աբբա) և ֆիզիկոս Ժան Անտուան Նոլլեն:

1741 -վախճանվել է դանիական ծագմամբ ռուս ծովագնաց Վիտուս Բերինգը, որի անունով է կոչվել Բերինգի նեղուցը:

1773 -ծնվել է ռուս քաղաքական և պետական գործիչ Ալեքսանդր Գոլիցինը: 1852 -ծնվել է ամերիկացի ֆիզիկոս Ալբերտ Աբրահամ Մայկելսոնը, որը չափել է լույսի արագությունը:

1863 -անգլիացի Ֆրեդերիկ Ուոլտոնը արտոնագրել է լինոլեումը:

1906 -ծնվել է ԽՍՀՄ նախկին ղեկավար Լեոնիդ Բրեժնևը:

1909– ստեղծվել է գերմանական «Բորուսիա Դորտմունդ» ֆուտբոլային ակումբը:

1915 - ծնվել է ֆրանսիացի երգչուհի Էդիթ Պիաֆը:

1915 -վախճանվել է գերմանացի հոգեբույժ Ալիոս Այցհեյմերը, որի անունով է կոչվել հայտնի ծերունական հիվանդությունը:

1936 - վախճանվել է խորհրդային կենսաբան, կենդանիների էվոլ յուցիոն մորֆոլոգիայի հիմնադիր Ալեքսեյ Սևերցովը:

1939- ԽՍՀՄ պաշտպանության կոմիտեի նիստում հավանության է արժանացել Т-34 տանկը երկրի բանակի սպառազինության մեջ մտցնելու նախագիծը:

1943- հիմնադրվել է Կալինինի Սուվորովյան ուսումնարանը (ներկայումս Տվերի):

1944 – լույս է տեսել ֆրանսիական «Լա Մոնդ» օրաթերթի 1-ին համարը:

1946– սկսվել է Հնդկաչինյան պատերազմը Ֆրանսիական միության և Վիետնամի Դեմոկրատական Հանրապետության միջև:

1964– ծնվել է լիտվացի նշանավոր բասկետբոլիստ Արվիդաս Սաբոնիսը, որը եղել է աշխարհի, եվրոպայի և օլիմպիական չեմպիոն և 7 անգամ ճանաչվել է «Եվրոպայի տարվա լավագույն բասկետբոլիստ»:

1965 -Շարլ դը Գոլը ընտրվել է Ֆրանսիայի նախագահ:

1972 -Ապպոլոն-17 տիեզերանավը վերադարձել է երկիր, որով էլ ավարտվել է ԱՄՆ-ի Լուսնային տիեզերական ծրագիրը:

1983 -Բրազիլիայի ֆուտբոլի ֆեդերացիայի գրասենյակից գողացվել է Ժյուլ Ռիմեի հեղինակած՝ ֆուտբոլի գավաթի ոսկե արձանիկի օրիգինալը:

1996– վախճանվել է իտալացի ճանաչված դերասան Մարչելլո Մաստրոյանին:

1997– տեղի է ունեցել Ջեյմս Քեմերոնի «Տիտանիկ» ֆիլմի պրեմիերան (գլխավոր դերերում՝ Լեոնարդո դի Կապրիո, Քեյթ Ուինսլեթ), որը դարձել է 20-րդ դարի ամենաշահութաբեր ֆիլմը` ստանալով 11 «Օսկար»:

2002- վախճանվել է ազգությամբ վրացի սպորտային հաղորդավար, դերասան Կոտե Մախարաձեն:

2004– վախճանվել է իտալացի ճանաչված օպերային երգչուհի Ռենատա Տեբալդին:

2007 -ԱՄՆ-ում Լակոտա հնդկական ցեղի ակտիվիստները հայտարարել են Լակոտայի Հանրապետության անկախությունը:

2010 - Մինսկում կայացել են նախագահական ընտրություններ, ճնշվել են ընդդիմության բողոքի ակցիաները:

2015 -վախճանվել է գերմանացի դիրիժոր Կուրտ Մազուրը:

Մանրամասները՝ «Փաստ» օրաթերթի այսօրվա համարում