Ադրբեջանը վերանորոգում է Ղարաբաղյան վերջին պատերազմի ընթացքում գրաված հայկական զինտեխնիկան.

Past.am

The National News պարբերականը հրապարակել է Գարեթ Բրոունի հոդվածը, որում հեղինակը նշում է, որ ադրբեջանցիները վերանորոգում են ղարաբաղյան վերջին պատերազմի ժամանակ գրաված հայկական տանկերն ու զինտեխնիկան:

 

 

Հոդվածում մասնավորապես ասվում է, որ պատերազմի ընթացքում ադրբեջանցիների կողմից անօդաչու թռչող սարքերի օգտագործման հետևանքով հայերը մեծ քանակությամբ զինտեխնիկա են թողել մարտի դաշտում:

 

 

Ադրբեջանի կողմից թուրքական արտադրության անօդաչու թռչող սարքերի օգտագործումը լայնորեն դիտարկվում է որպես Լեռնային Ղարաբաղի տարածաշրջանում Բաքվի հաջողության հիմնական գործոն, որտեղ Ռուսաստանի միջնորդությամբ գործող հրադադարը գործնականում ավարտել է մարտերը:

 

Դրանից հետո Ադրբեջանին է մնացել սարքին վիճակում գտնվող հայկական բազմաքանակ ռազմական տեխնիկա, որը ներկվելու կարիք ունի օգտագործվելուց առաջ:

 

Պատերազմական ավարը` Խորհրդային շրջանի զրահատեխնիկայից մինչև հակաօդային համակարգեր, տեղափոխվել է Բաքվի մոտակայքում գտնվող ռազմակայան:

 

Պարբերականին բացառիկ հնարավորություն է տրվել մուտք գործել այն բազան, որտեղ ադրբեջանական զինուժը վերանորոգում և օգտագործում է տրանսպորտային միջոցները, որոնց վրա կան հայկական համարանիշեր և նշաններ:

 

 

Ձմռան արևի տակ մեխանիկներն աշխատում էին տրանսպորտային միջոցների վրա, սկսած T72 տանկերից մինչև այլ զրահամեքենաներ: Հայկական անձնակազմի նկարած քրիստոնեական խաչերը ջնջվում են:

 

Ադրբեջանական կողմը հստակ թիվ չի նշել, բայց ադրբեջանցի զինվորներից մեկը հրատարակությանն ասել է, որ վերանորոգում են անցնում նմանատիպ հարյուրավոր տանկեր և զինտեխնիկա:

 

Ավելին