ԱՄՆ ՀՆԱ-ն ռեկորդային անկում է ցույց տվել՝ Երկրորդ համաշխարհային պատերազմից ի վեր

Անցյալ տարի ԱՄՆ-ի համախառն ներքին արդյունքն ընկել է 3,5%-ով, ինչը վատթարագույն ցուցանիշն է Երկրորդ համաշխարհային պատերազմից ի վեր: Այս մասին ասվում է ԱՄՆ առեւտրի նախարարության Տնտեսական վերլուծության բյուրոյի հաղորդագրության մեջ:

Զեկույցում նշվում է, որ երկրի տնտեսությունը 2008-ի ֆինանսական ճգնաժամից հետո առաջին անգամ էական անկում է ապրել: Այնուհետեւ ՀՆԱ-ն ընկել է 2,5%-ով: Միաժամանակ, ինչպես հայտնել են գերատեսչությունում, տարեկան կտրվածքով 2020-ի վերջին եռամսյակում ԱՄՆ տնտեսությունն աճել է 4%-ով: Միեւնույն ժամանակ, առաջին եռամսյակում երկրի տնտեսությունը նվազել է 5%-ով, երկրորդում՝ ռեկորդային 31,4%-ով, իսկ երրորդում այն նաեւ աճել է ռեկորդային 33,4%-ով, հաղորդում է РБК-ն:

Նախարարությունը հայտարարել է, որ անցյալ տարի աշխարհի ամենամեծ տնտեսության անկումն ամենամեծն էր 1946 թվականից ի վեր, երբ այն ընկավ 11,6%-ով: Բացի այդ, ԱՄՆ ՀՆԱ-ի տարեկան անկում վերջին 11 տարվա ընթացքում առաջին անգամ է տեղի է ունեցել, ասված է զեկույցում:

Ըստ նախնական գնահատականների, չորրորդ եռամսյակում ԱՄՆ սպառողների ծախսերի իրական աճի տեմպերը տարեկան կտրվածքով կազմել են 2,5%, այն դեպքում երբ երրորդ եռամսյակում այդ ցուցանիշն աճել է 41%-ով: Միեւնույն ժամանակ, նախնական գնահատականների համաձայն, ԱՄՆ տնտեսությունը 2020-ի վերջին եռամսյակում տարեկան կտրվածքով անկում է ապրել 2,5%-ով: Առաջին եռամսյակում տարեկան կտրվածքով գրանցվել է 0,3% աճ, երկրորդում` 9% անկում, երրորդում` 2.8% անկում: