Կարող է ասածս մի քիչ զավեշտալի թվալ, բայց... Նիկոլ Փաշինյանը պատասխանել է Ռոբերտ Քոչարյանի հայտարարությանը
ПОЛИТИКАԿարող է ասածս մի քիչ զավեշտալի թվալ, բայց ցանկացած ոք, ով 2020թ. սեպտեմբերին, հոկտեմբերին, նոյեմբերին չի եղել Հայաստանի ղեկավար, կարող է այդ նույն բանն ասել: Այս մասին իր վերջին հարցազրույցում հայտարարել է Նիկոլ Փաշինյանը՝ պատասխանելով ՀՀ երկրորդ նախագահ Ռոբերտ Քոչարյանի հայտարարության, ով ասել էր, որ իր՝ երկրի ղեկավար լինելու դեպքում մենք պարտություն չէինք կրի:
«Եվ ոչ մեկ հակառակը չի կարող ապացուցել: Հարցնե՞նք: Ցանկացած ոք՝ անկախ կենսագրությունից, անուն-ազգանունից, կարող է ասել, որ եթե ես լինեի, Ադրբեջանը չէր համարձակվի հարձակվել: Մենք չէինք պարտվի: Եվ այլն, և այլն: Բայց նաև մենք պետք է իրապես հասկանանք պարտության խորքային ծագումնաբանությունը: Շատ լավ, եթե սա պարտություն է, որը ծագել է երկու տարվա կամ երկու ամսվա ընթացքում, եկեք արձանագրենք և ապացուցենք դա»,-ասել է Փաշինյանը: