ՊԱՏՄՈՒԹՅԱՆ ԱՅՍ ՕՐԸ (13 ՄԱՐՏԻ). Վա­րա­րած Գե­տառը մեծ վնաս­ներ է գոր­ծել Երև­ա­նում. «Փաստ»

«Փաստ» օրաթերթը գրում է

ՏՈՆԵՐ

Գրենադա՝ Հեղափոխության օր, Կանադա՝ Քաղաքացիների տոն, ԱՄՆ-ի Իլինոյս նահանգ՝ Պլուտոնի օր, Թայլանդ՝ Փղերի օր։

ՀԱՅ-ՀԱՅԱՍՏԱՆ

1823- Կարինում կնքվել է թուրք-պարսկական հաշտության պայմանագիր, որով Բայազետ քաղաքը կրկին վերադարձվել է Թուրքիային:

1897- ծնվել է Եղիշե Չարենցը։

1908- վարարած Գետառը մեծ վնասներ է գործել Երևանում։

1913- ծնվել է արձակագիր, թարգմանիչ Պարույր Ջոթյանը։

1955 –վախճանվել է բանասեր, պատմաբան, մանկավարժ, հասարակական–քաղաքական գործիչ Արտաշես Աբեղյանը։

1959 - վախճանվել է մաթեմատիկոս Աշոտ Տեր-Մկրտչյանը։

1993 - վախճանվել է ճարտարապետ Սասուն Գրիգորյանը։

2006- «Ա1+»-ը վտարվել է զբաղեցրած տարածքից՝ պատճառաբանությամբ, որ Ազգային ակադեմիան տեղավորելու տեղ չունի Լեզվի ինստիտուտին։

2008-Նախագահ Ռոբերտ Քոչարյանը փոփոխություններ է կատարել արտակարգ դրություն հայտարարելու մասին մարտի 1-ի իր հրամանագրում, որոնք վերաբերել են լրատվամիջոցների գործունեության սահմանափակումներին: - ԱԱԾ-ի կողմից հայտնաբերվել և ձերբակալվել է հետախուզման մեջ գտնվող Սասուն Միքայել յանը:

2013- Երևանի Երիտասարդական մետրոյի գետնանցումում գտնվող գրքի շուկան փակվել է գետնանցման վերանորոգման պատճառով։

2019-Քաղաքապետարանը սկսել է Օպերայի հարակից տարածքում գործող սրճարանների ապամոնտաժման աշխատանքները, ինչը դրանց աշխատակիցների բողոքի պատճառ է դարձել:

ԱՇԽԱՐՀ

1719 -վախճանվել է գերմանացի ալքիմիկոս Իոհանն Ֆրիդրիխ Բյոտտգերը, որը հայտնագործել է ճենապակու գաղտնիքը։

1720 -ծնվել է շվեյցարացի բնախույզ և փիլիսոփա Շարլ Բոննեն, որը հայտնագործել է պարտենոգենեզի երևույթը։

1733 -ծնվել է անգլիացի հոգևորական, փիլիսոփա-մատերիալիստ և քիմիկոս Ժոզեֆ Պրիստլին, որը հայտնագործել է թթվածինը և ամոնիակը։

1781- Ուիլիամ Հերշելը հայտնաբերել է Ուրան մոլորակը։

1797- Փարիզի «Ֆեյդո» թատրոնում տեղի է ունեցել «Մեդեա» օպերայի պրեմիերան։

1852 -նյույորքյան «NY Lantern Weekly» թերթը առաջին անգամ հրատարակել է Քեռի Սեմի պատկերը։

1881 - Պետերբուրգի Եկատերինյան ջրանցքի մոտ նետված ռումբից մահացու վիրավորվել է Ռուսաստանի ցար Ալեքսանդր 2-րդը։ Ռումբը նետել էր նարոդովոլցի Իգնատի Գրինևիցկին։

1900 - ծնվել է հույն նշանավոր բանաստեղծ Յորգոս Սեֆերիսը։

1913 –ծնվել է ռուս գրող Սերգեյ Միխալկովը։

1917 -Պետերբուրգում լույս է տեսել «Պետերբուրգի բանվորների և զինվորների դեպուտատների նորություններ» թերթի առաջին համարը (ներկայումս՝ «Известия»)։

1920 -Մուրմանսկը Կարմիր բանակի կողմից ազատագրվել է սպիտակգվարդիականներից և ամերիկա-անգլիական ինտերվենտներից։

1921- Մոնղոլիան (նախկինում Արտաքին Մոնղոլիա) հայտարարել է իր անկախությունը Չինաստանից։

1925 -ԱՄՆ-ի Թեննեսի նահանգում արգելվել է դասավանդել էվոլուցիայի տեսություն։

1938 -ԽՍՀՄ-ում ռուսաց լեզուն դարձել է դպրոցական ծրագրի պարտադիր առարկա։

1940 -խորհրդային զորքերը մտել են Վիբորգ, ավարտվել է խորհրդա-ֆիննական պատերազմը։

1954 -ստեղծվել է ԽՍՀՄ-ի պետական անվտանգության կոմիտեն՝ ՊԱԿ-ը։

1967 - ծնվել է կոլումբիացի ֆուտբոլիստ Անդրես Էսկոբարը, որի սպանության պատճառ է դարձել ինքնագոլը։

1979 -գործողության մեջ է մտել եվրոպական դրամական համակարգը։

1988-բացվել է ամենաերկար ստորջրյա թունելը՝ Սեյկանը (53,85 կմ, Ճապոնիա, Հոնսյու - Հոկայդո կղզիները կապող)։

1989- Միջուկային հետազոտությունների եվրոպական կազմակերպության աշխատակից Թիմ Բեռներս-Լին և իր գործընկերները հիմնել են «համաշխարհային սարդոստայնը» (www)։

2004- Նյու Յորքի «Մետրոպոլիտեն օպերայի» բեմում հանրահայտ տենոր երգիչ Լուչիանո Պավարոտին տվել է իր հրաժեշտի համերգը։

Մանրամասները՝ «Փաստ» օրաթերթի այսօրվա համարում