Պերմյակովի գործով արտագնա դատական նիստը կլինի դռնբաց

Գյումրիի ռուսական 102-րդ ռազմաբազայի տարածքում Վալերի Պերմյակովի գործով  արտագնա դատական նիստը կլինի դռնբաց: Այս մասին դեկտեմբերի 14-ին Գյումրիում լրագրողներին հավաստեց Հայաստանի Հանրապետության դատական դեպարտամենտի ղեկավար Կարեն Փոլադյանը: Հաշվի առնելով քննվող գործի կարևորությունն ու հետաքրքրությունը՝ արվելու է ամեն ինչ, դատական նիստերը բաց ու հ րապարակային կազմակերպելու համար: Այս անգամ հատկապես հեշտացվել է լրագրողների աշխատանքը՝ պարզեցվել է մուտքը ռազմաբազայի տարածք: Արվելու է նաև հնարավոր ամենի ինչ նիստը լուսաբանող լրագրողների հարամարվետության համար: Բացի այն, որ նիստի դահլիճում կկիրառվի «Ֆեմիդա» համակարգ, որի միջոցով կտեսաձայանգրվի ողջ նիստը, լրատվամիջոցները հնարավորություն  կունենանա նաեւ նիստն ուղիղ հեռարձակել:

 Ի տարբերություն ռուսական կողմի անցկացրած դատական նիստի՝ լրագրողներից հեռախոսները չեն վերցնի, չի սահմանափակվի լրագրողների մուտքն ու ելքը դահլիճ, իսկ անհրաժեշտության դեպքում, ինչպես ազատ քաղաքացիներն, այնպես էլ լրագրողները կկարողանան նիստին հետևել, կամ հանգստանալ դահլիճի մոտ տեղադրված վրաններում, որտեղ ևս տեղադրված կլինեն  նիստի ընթացքը   հեռարձակող էկրաններ: Դահլիճում լսելիություն  ապահովվելու համար կտեղադրվի ձայնասփյուռ:  Հաշվի առնելով այն,  որ դատական նիստին ցանկություն կհայտնեն  հետևել շատերը՝ անվտանգութ յունը կապահովվի դատական կարգադրիչների և հայ ոստիկանների կողմից: «Արվելու է ամեն ինչ՝ նախադեպը չունեցող բաց նիստ անցկացնելու համար»,-լրագրողների հետ աշխատանքային հանդիպման ժամանակ նշեց Կարեն Փոլադյանը՝ հավելելով, որ այս ամենն իրականացվում է ռուսական կողմի հետ համագործակցության արդյունքում:

 Նիստը լուսաբանող լրագրողների աշխատանքը նորմալ կազմակերպելու համար օրերս տեղի էր ունեցել հանդիպում Շիրակի մարզի ընդհանուր իրավասության դատարանի նախագահ Գագիկ Հովհաննիսյանի հետ, ում լրագրողները ներկայացրել էին այն բոլոր դիտողությունները, որոնք կապված են ՌԴ 5-րդ կայազորային դատարանում՝ Գյումրիում տեղակայված ռուսական 102-րդ ռազմաբազայի տարածք, դատական դահլիճի, լրագրողների դատարանում ներկա գտնվելու պայմանների ու տեխնիկական խնդիրների հետ: Լրագրողները, ովքեր 2015 թվականի օգոստոսի 12-ին լուսաբանել էին Գյումրիում Ավետիսյանների ընտանիք ի սպանության մեջ մեղադրվող« ռուս զինվորական Վալերի Պերմյակովի նկատմամբ քրեական գործով դատական նիստը՝ ներկայացված ՌԴ քրեական օրենսգրքի երեք հոդվածներով նախատեսված՝ «Դասալքություն», «Զենքի հափշտակում» և «Զենքի ապօրինի կրում» մեղադրանքներով, ներկայացրեցին մի շարք խնդիրներ՝ կապված լրագրողների դատական նիստին ներկա գտնվելու ռուսական կողմի խիստ պահանջների, դահլիճ անհարմարության  հետ կապված:

 Առաջին հանդիպման ժամանակ ներկայացված բոլոր խնդիրները, որոնք  հիմնականում տեխնիկական էին, արդեն այս հանդիպման ժամանակ Հայաստանի Հանրապետության դատական դեպարտամենտի ղեկավարի հավաստմամբ այլեւս չեն լինի:

Արմենուհի Մխոյան