Հա­կա­ռու­սա­կա­նու­թյան նոր ալիք Հա­յաս­տա­նում. ի՞նչ են ուզում Կուր­ղի­նյա­նից․ «Փաստ»

«Փաստ» օրաթերթը գրում է

rossaprimavera.ru-ն «Լրագրող. Կուրղինյանի վրա գրոհում են Հայաստանում Ռուսաստանի ազդեցության նվազեցման նպատակով» վերնագրով հոդվածում գրում է, որ մարտի 17-ից հանկարծ Սերգեյ Կուրղինյանին ուղղված մեղադրանքներ են սկսել տարածվել Հայաստանի հետ կապված Տելեգրամ-ալիքներում: Ըստ հեղինակների, Կուրղինյանը իբր հայտարարել է, որ Ռուսաստանը չէր կարող թույլ տալ, որ Հայաստանը 2020 թվականի աշնանը հաղթի Ղարաբաղյան պատերազմում: Մեղադրանքի հիմքում ընկած է 2020 թվականի նոյեմբերի 10-ին «Երեկոն Վլադիմիր Սոլովյովի հետ» հաղորդման ժամանակ Սերգեյ Կուրղինյանի ելույթի աղավաղված և կոնտեքստից կտրված ներկայացնելը:

«Ես դիտել եմ Վլադիմիր Սոլովյովի այդ երեկոն, որում ելույթ է ունեցել Սերգեյ Երվանդովիչ Կուրղինյանը, բնականաբար, նա չի ասել մի բան, որի մեջ կարելի է մեղադրել նրան», - իրավիճակը մեկնաբանել է լրագրող Գևորգ Խաչատրյանը: «Կուրղինյանը խոսել է վերջին պատերազմի ընթացքում հրեշավոր դավաճանության, Շուշին հանձնելու մասին, նա Նիկոլ Փաշինյանին տականք է անվանել և ասել է, որ Հայաստանի քաղաքական ինքնասպանությունը սկսվել է նրանից, որ հայերը ընտրել են այդ տականքին: Նա իշխանության է եկել Արցախը հանձնելու համար: Միևնույն ժամանակ, Կուրղինյանը հերոսական է անվանել հայկական ու արցախյան բանակները, որոնք ձախողել են հակառակորդի կայծակնային պատերազմը: Եվ դա այն դեպքում, երբ Թուրքիան բացահայտորեն է միջամտել պատերազմին», - հիշեցրել է լրագրողը Կուրղինյանի ելույթի բովանդակությունը՝ ավելացնելով, որ այժմ այդ անառակ Փաշինյանը, հանձնելով հողերը, տխրել է իր գողացված օծանելիքից:

«Իհարկե, այնպիսի հեռուստատեսային հաղորդավար, ինչպիսին Նվեր Մնացականյանն է, որը հայտնի է թավշյա Ֆյուրերի հանդեպ իր սիրով, խեղաթյուրել է Կուրղինյանի խոսքը», - ասել է նա: Բացի դա, Գևորգ Խաչատրյանին զարմացնում է այն, թե ինչու է այսօր նման հարձակում սկսվել Ռուսաստանի, Վլադիմիր Պուտինի և ռուս փորձագետների վրա: «Այդ ապուշ մեղադրանքները կարելի է կապել մարտի 16-ին Երևանում կայացած ռուսաֆոբական «Սասնա ծռեր» կազմակերպության՝ վերջերս կայացած հանրահավաքի հետ»,- ասել է լրագրողը: Նրա խոսքերով, Հայաստանի տեղեկատվական տարածքում հակառուսական ալիք է տարածվում, ինչը լավ տեղավորվում է թավշյա հեղաշրջման ծրագրում:

«Փաշինյանին և նրա բանդային իշխանության են բերել ոչ միայն Արցախի հարցը լուծելու, այլ նաև ռուսական ռազմակայանը Հայաստանից դուրս հանելու և Հայաստանում Ռուսաստանի ներկայությունը հնարավորինս թուլացնելու համար»,- համոզված է լրագրողը: «Իսկ այդ նպատակին հասնելու համար լավն են բոլոր միջոցները»,- հեգնանքով եզրափակել է լրագրողը։

Մանրամասները՝ «Փաստ» օրաթերթի այսօրվա համարում