Ինչ է իրականում կատարվում Սև լճի տարածքում
ОБЩЕСТВОՄի քանի օր՝ է մեր հասարակությունը կրկին փոթորկված է, թշնամին արդեն Սյունիքի մարզում է, այս անգամ նրա տիրապետության տակ է հայտնվել հանրապետությունում մեծությամբ երկրորդ լիճը՝ Սև լիճը։
Ըստ պաշտոնական տեղեկությունների, արդեն 4 օր է բանակցություններ են, ընթանում, ինչը շարունակվելու է նաև այսօր։ Բանակցությունները հայկական կողմի համար դեռևս անարդյունք են։
Նշենք, որ երեկ նաև կառավարության մակարդակով, տեղեկություն շրջանառվեց հետևյալը․
«Հակառակորդի սնվող ճանապարհները՝ դեպի իրենց զորք այժմ շրջափակման մեջ են: Մինչև առ էսօր կրակոցներ չեն եղել: Հանգիստ, նորմալ. ո՛չ իրանք են ուզում կրակել, ո՛չ՝ մենք»,- ասել է Սյունիքի մարզպետը՝ հավելելով, որ ցանկանում են հարցը լուծել խաղաղ ճանապարհով, բայց եթե «պահը գա, երկրապահը պատրաստ է անցնել մարտական գործողությունների»:
Նաև Տիգրան Ավինյանը լուսանկար տարածեց լճի տարածքից։
Մինչդեռ, մեր հավաստի տեղեկություններով, լճի մեծ մասը՝ 3.5 կմ հատվածը իրապես գտնում է թշնամու տիրապետության տակ, ավելին՝ նրանք նույնիսկ որոշակի առաջընթաց ունեն, և բավականին մեծաթիվ զինվորներ են կուտակված, միայն մի փոքր հատված մեր բանակի տիրապետության տակ է։
Հարց է առաջանում, թե լճի որ հատվածում է նկարվել փոխվարչապետ Տիգրան Ավինյանը, որը համացանցում մեծ աղմուկ բարձրացրեց։
Ըստ մեր հավաստի տեղեկությունների, Ավինյանը ոչ թե Վերիշենի հատվածում է լուսանկարվել, որտեղ իրականում լարված իրավիճակ է, այլ հենց մեր նշած այն փոքր հատվածում, որը դեռևս մեր տիրապետության տակ է։
Մեր տվյալներով, տարածքում բավականին ցուրտ է, բայց մեր բանակի զինված ուժերն ու կամավորակաները, շարունակում են հերթափոխով գիշերել այնտեղ։
Տեղեկություններ ունենք նաև, որ Սև լճի տարածքում անմիջապես, վերահսկողություն չեն իրականացնում ռուս զինծառայողները, այնուամենայնիվ նրանք ևս քաղաքում են, և գտնվում են բավականին լավ վիճակում։