Սերժ Սարգսյանը խոսել է Խոջալուի դեպքերի մասին
ПОЛИТИКА2000 թվականին Սերժ Սարգսյանը բրիտանացի լրագրող Թոմաս դե Վաալին տված հարցազրույցում, մեկնաբանելով Խոջալուի` 1991 թ.-ին տեղի ունեցած դեպքերը, ասել էր «Մինչև Խոջալուն ադրբեջանցիները մտածում էին, որ նրանք պարզապես կատակում են մեզ հետ: Ադրբեջանցիները մտածում էին, որ հայերը մարդ են, որոնք չեն կարող ձեռք բարձրացնել խաղաղ բնակչության վրա: Պետք է էր այդ ամենը կոտրել»:
BBC-ին նշում է, որ Բաքվում այդ խոսքերը դիտեցին որպես քաղաքացիական անձանց սպանության խոստովանություն: Հայկական կողմը հայտարարեց, որ Սարգսյանի խոսքերն աղավաղված են և դե Վաալին մեղադրեցին շահարկման մեջ:
«Ես շատ հստակ եմ արտահայտվել [2000 թ.] Եվ այսօր էլ նույն կերպ կարտահայտվեի»,- BBC-ին տված հարցազրույցում ասել է Սարգսյանը:
«Ես ասացի, որ ադրբեջանցիները կարծում էին, որ մենք չենք կարող մեր ձեռքը բարձրացնել [քաղաքացիական բնակչության վրա]: Ձեռքի բարձրացումը չի նշանակում սպանել: Սա նշանակում է, որ ինչպես նրանք վտարեցին մեր ժողովրդին, այսպես ասենք, իրենց տարածքներից, այդպես էլ մենք էինք ստիպված անել, քանի որ այլ տարբերակ չունեինք, մենք չէինք կարող պահպանել առաջնագիծը և թիկունքում ունենալ ադրբեջանական բնակավայրեր», - բացատրել է նա:
Միևնույն ժամանակ, Սարգսյանը կրկին կտրականապես հերքել է հայկական ուժերի մասնակցությունը խաղաղ բնակիչների սպանության մեջ. «Մենք ոչ մի կապ չունենք բազմաթիվ զոհերի հետ: Այս մասին ես ձեզ ասում եմ որպես դեպքերին քաջատեղյակ մարդ»,- հայտարարել է ՀՀ 3-րդ նախագահը: