Քաղաքական ուժերը կենտրոնանում են սպասվող ՏԻՄ ընտրությունների վրա. «Փաստ»
ПОЛИТИКА«Փաստ» օրաթերթը գրում է
Ինչպես հայտնի է, աշնանը ՀՀ որոշ մարզերում տեղի են ունենալու ՏԻՄ ընտրություններ: Քաղաքական ուժերի համար հատկապես առաջնային են խոշորացված համայնքները, ինչպես նաև նրանք, որոնք մինչ ընտրությունները խոշորանալու են։ «Փաստ» թերթի տեղեկություններով, արտահերթ խորհրդարանական ընտրություններից հետո քաղաքական հիմնական ուժերը նպատակ ունեն ակտիվ ներգրավվածություն ունենալ ՏԻՄ ընտրություններին։ Խոսքը թե՛ խորհրդարան անցած երեք ուժերի, թե՛ մի քանի արտախորհրդարանական ուժերի մասին է։ Մենք տեղեկություն ունենք նաև, որ այս փուլում որոշ քաղաքական շրջանակներ փորձում են իրենց ուժերը վերադասավորել և հասկանալ, թե իրականում ռեալ ինչքան աջակիցներ ունեն մարզերում, այլ կերպ ասած՝ սեփական շարքերն ու թիմը ռեստարտ են անում։ Որոշ կուսակցություններ արդեն իսկ սկսել են աջակիցների ֆիլտրման գործընթացը և փորձում են տեղերում ակտիվանալ, որպեսզի համապատասխան պահին կարողանան պատշաճ մասնակցություն ունենալ։ Նշենք նաև, որ կան կոնկրետ ուժեր, որոնք ունեն աջակիցների ընդգրկուն հավատարիմ բանակ և պատեհ պահի ի վիճակի են շոշափելի արդյունքներ գրանցել:
Մանրամասները՝ «Փաստ» օրաթերթի այսօրվա համարում