COVID-22-ը կարող է շատ ավելի ծանր լինել, քան այն, ինչի միջով այժմ անցնում ենք. գիտնական
ОБЩЕСТВОՀաջորդ տարի աշխարհում կհայտնվի կորոնավիրուսի ավելի վտանգավոր տարբերակ, հայտարարել է Ցյուրիխի տեխնիկական բարձրագույն դպրոցի իմունոլոգ Սայ Ռեդին, փոխանցել է ՌԻԱ Նովոստի-ն:
Նրա խոսքով՝ SARS-CoV-2-ի գոյություն ունեցող շտամների համադրությունը կարող է հանգեցնել համաճարակի նոր փուլի` մեծ թվով մահացություններով: Հարավային Աֆրիկայի «բետա» եւ Բրազիլիայի «գամմա» տարբերակները արդեն մուտացիաների են ենթարկվել, որոնք թույլ են տալիս մասամբ խուսափել հակամարմիններից, նշել է Ռեդին:
Համավարակի հաջորդ փուլում, իմունոլոգի կարծիքով, «բետա» եւ «գամմա» շտամները կդառնան ավելի վարակիչ, իսկ «դելտան» կկարողանա շրջանցել իմունիտետը: Նա այդ մուտացիաներն անխուսափելի է անվանել: «COVID-22-ը կարող է ավելի ծանր լինել, քան այն, ինչի միջով այժմ անցնում ենք», - ասել է գիտնականը Blick թերթի հետ հարցազրույցում:
Մասնագետն ընդգծել է, որ SARS-CoV-2-ի նոր տարբերակը պետք է հնարավորինս շուտ հայտնաբերվել, որպեսզի պատվաստանյութ արտադրողները կարողանան արագ հարմարեցնել դեղամիջոցը վարակի դեմ պայքարում: «Իմունային համակարգը եւ վարակը նման են երկու պարողների: Իմունիտետը, կարծես, շարժվում է, իսկ վարակը արձագանքում է դրան: Մենք դեռ երկար ենք պարելու նրա հետ: Հնարավոր է՝ մեր ողջ կյանքի ընթացքում», - ամփոփել է բժիշկը: