Քաղաքում իրավիճակը թեժացել է. ոստիկանությունը կրկնապատկում է ուժերը և նոր պլաններ մշակում (ուղիղ միացում)

Պարզվում է, որ ոչ միայն ոստիկաններն են կարողանում ցուցարարների ծրագրերից և գաղտնիքներից տեղեկանալ, այլև հակառակը: Ինչպես հայտնում է Past.am-ը՝ քիչ առաջ նախաձեռնող անդամների ֆեյսբուքյան էջում ցույցի ակտիվիստ, կազմակերպող խմբի անդամ Արմեն Կոտոլյանը տարածել է նման հաղորդագրություն:

Հարգելի՛ խմբակիցներ, 3 բան ունեմ ասելու, խնդրում եմ՝ ուշադի՛ր եղեք.

1. Տեղեկություն ունենք, որ ոստիկանության աշխատողներին հրահանգվել է քաղաքացիական հագուստով գնալ ծառայության: Դա նշանակում է, որ այսoր մեր շարքերում կլինեն բազմաթիվ ոստիկաններ՝ քաղաքացիական հագուստով:

2. Տեղեկություն կա, որ ուզում են աղբամանների մեջ ինչ որ բան դնեն կամ լցնեն, որ կարողանան դրդապատճառ հանդիսացնեն ու հանեն բարիկադները: Խնդրում եմ ուշադիր եղեք և ևս մեկ անգամ ստուգեք աղբամանները:

3. Խնդրում եմ առավոտյան ժամը 6-ին շատ աղմուկ մի արեք: Հարակից շենքից Մարի տատին խնդրեց գոնե մինչև 8-9-ը շատ աղմուկ չլինի:

Այս ոստիկանները գիտեն, թե մենակ մեր մեջ կան մարդիկ, որ մեզնից տեղեկություն են տալիս: Հիշեցնեմ, որ ամեն ինչ փոխադարձ է:

Հիշեցնենք, որ վերջին մի քանի ժամվա ընթացքում քաղաքում վիճակը թեժացել է և ոստիկանները կրկնապատկել են ուժերը: Ոստիկանությունը ցուցարարական տարածք է բերել նաև ջրցան մեքենաներ և վահաններով զինված ոստիկանական խմբեր:

Արուսիկ Տիգրանյան