Ողջ աշխարհում «Քովիդ-19»-ով վարակման ցուցանիշը սեպտեմբերին նվազել է 15%-ով
ОБЩЕСТВОԿորոնավիրուսի տարածման տեմպերն աշխարհում սեպտեմբերի առաջին ամսվա ընթացքում զգալիորեն նվազել են՝ օգոստոսի վերջին օրերի համեմատ: ՏԱՍՍ գործակալության փոխանցմամբ՝ այս մասին վկայում են Առողջապահության համաշխարհային կազմակերպության տվյալները:
ԱՀԿ տվյալներով՝ օգոստոսի 25-31-ն ընկած ժամանակահատվածում մեկ օրում վարակման դեպքերի թիվը գերազանցում էր 700 000-ի շեմը: Սեպտեմբերի առաջին շաբաթվա ընթացքում նման դեպք միայն մեկ անգամ է տեղի ունեցել: Մյուս օրերին վարակման դեպքերի թիվը կազմել է միջինում 600 000:
Հիվանդացության մակարդակի ամենազգալի նվազում է արձանագրվել Հարավային Ամերիկայի և Հարավային Ասիայի երկրներում: Եվրոպայում իրավիճակը միանշանակ չէ, իսկ Իսրայելում և Հարավարևելյան Ասիայի երկրներում վիրուսի տարածման տեմպերը մոտեցել են առավելագույն ցուցանիշին:
Ընդհանուր առմամբ, համավարակի ողջ ընթացքում աշխարում արձանագրվել է կորոնավիրուսով վարակման ավելի քան 221,2 մլն դեպք, որից ավելի քան 4,57 մլն-ը՝ մահվան ելքով: