Վիետնամցին 5 տարվա ազատազրկման է դատապարտվել` մարդկանց COVID-19-ով վարակելու համար
ОБЩЕСТВОՎիետնամում տղամարդը դատապարտվել է հինգ տարվա ազատազրկման՝ իր երկրում կարանտինային կանոնները խախտելու և մի քանի մարդու Covid-19-ով վարակելու համար, գրում է Le Figaro-ն:
Դատական վճռի համաձայն՝ 28-ամյա Լե Վան Տրին դատապարտվել է «այլ մարդկանց շրջանում վտանգավոր վարակիչ հիվանդություններ տարածելու» համար, այն բանից հետո, երբ հուլիսին համավարակի պայմաններում մեկնել էր իր հայրենի Կամաու նահանգ:
«Երիտասարդը մեղադրվել է, Կամաուում գտնվելու ժամանակ, պարտադիր 21-օրյա տնային կարանտինը չպահպանելու համար՝ չնայած, որ նրա մոտ կորոնավիրուս է ախտորոշված եղել»,-գրում է թերթը:
Դատարանի վճռում ասվում է. «Տրիի կողմից տնային բժշկական կարանտինի կանոնների խախտումը հանգեցրել է բազմաթիվ մարդկանց՝ Covid-19-ով վարակման և մեկ մարդու մահվան 2021 թվականի օգոստոսի 7-ին»:
Ըստ պետական լրատվամիջոցների՝ նրա պատճառով վարակվել է 8 մարդ: