ՊԱՏՄՈՒԹՅԱՆ ԱՅՍ ՕՐԸ (18 ՆՈՅԵՄԲԵՐԻ). Նոր ազատումներ ու նշանակումներ կառավարությունում. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Ռուսաստան՝ Ձմեռ պապի ծննդյան օր, Լատվիա՝ Անկախության օր, Մարոկկո՝ Անկախության օր, Ուզբեկստան՝ Ազգային դրոշի օր, Ուկրաինա՝ Ուկրաինայի զինված ուժերի սերժանտի օր, Հարավային Օսիա՝ Սուրբ Գեորգիի օր։

ՀԱՅ-ՀԱՅԱՍՏԱՆ

1880 - ծնվել է կոմպոզիտոր, խմբավար Սպիրիդոն Մելիքյանը։

1908-ծնվել է խորհրդահայ ֆիզիկոքիմիկ, ակադեմիկոս Քրիստաֆոր Բաղդասարյանը։

1920- կնքվել է հայ-թուրքական 10-օրյա զինադադարի համաձայնագիր, որը շուտով երկարաձգվել է մինչև դեկտեմբերի 5-ը, և որի պայմանները խիստ ծանր են եղել Հայաստանի համար։

1941- ստեղծվել է Երևանի Պարոնյանի անվան թատրոնը։

1967 -վախճանվել է տանկային զորքերի գեներալ-մայոր Բորիս Սուպյանը։ 1988- Հայաստանը պահանջել է ԽՍՀՄ-ից ԼՂՀՆ-ն միացնել իրեն։

2003-դատարանը Հանրային հեռուստառադիոյի խորհրդի նախագահ Տիգրան Նաղդալ յանի սպանության գործով մեղավոր է ճանաչել սպանության պատվիրատուին և անմիջական կատարողին: Սպանությունը պատվիրելու մեջ ամբաստանվել է Արմեն Սարգսյանը (Վազգեն Սարգսյանի եղբայրը), իսկ սպանությունը կատարելու մեջ՝ Լեռնային Ղարաբաղի բնակիչ Ջոն Հարությունյանը. երկուսն էլ դատապարտվել են 15 տարվա ազատազրկման:

2005- վախճանվել է ատոմային էներգետիկայի բնագավառի հայ գիտնական Արմեն Աբաղյանը։

2008- Երևանում բացվել է Ասիական զարգացման բանկի առաջին գրասենյակը:

2020- արտաքին գործերի փոխնախարար Արա Այվազյանը նշանակվել է արտգործնախարար՝ փոխարինելով պաշտոնից հրաժարական ներկայացրած Զոհրաբ Մնացականյանին։ -պաշտոնից ազատման դիմում է ներկայացրել արտակարգ իրավիճակների նախարար Ֆելիքս Ցոլակյանը։ -հրաժարական է ներկայացրել պաշտպանության նախարարության ռազմական վերահսկողական ծառայության պետ Մովսես Հակոբյանը։ -Նիկոլ Փաշինյանը հետպատերազմյան խնդիրների լուծմանը, սոցիալական ու տնտեսական հարցերին ուղղված 15 կետից բաղկացած՝ կառավարության գործունեության ճանապարհային քարտեզ է ներկայացրել՝ խոստանալով դրա վերաբերյալ հաշվետվություն ներկայացնել կես տարի անց։

ԱՇԽԱՐՀ

1307 - ըստ լեգենդի, շվեյցարացի նետաձիգ Վիլհելմ Տելլը իր աղեղից արձակված նետով կիսել է որդու գլխին դրված խնձորը։

1421- Նիդեռլանդներում ջրհեղեղի հետևանքով զոհվել է մոտ 10000 մարդ։

1624- վախճանվել է գերմանացի քրիստոնեական միստիկ, տեսաբան և աստվածաբան Յակոբ Բյոմեն։

1626 - ավարտվել է Հռոմի Սուրբ Պետրոս տաճարի շինարարությունը, և Ուրբան 8-րդը օծել է այն։

1720 -ծնվել է Վրաստանի թագավոր Իրակլի 2-րդը, որը Ռուսաստանի հետ կնքել է Գեորգիևյան տրակտատը։

1775 -հրատարակվել է Ռուսաստանը 50 գուբերնիաների բաժանելու մասին հռչակագիրը։

1786 -ծնվել է գերմանացի կոմպոզիտոր Կարլ Մարիա ֆոն Վեբերը։

1812 -ռուս-ֆրանսիական պատերազմի ժամանակ տեղի է ունեցել Կրասնիի ճակատամարտը, որի ընթացքում ռուսական բանակը ջախջախել է Ֆրանսիայի արերգարդմարշալ Նեյի բանակին։

1828 -ծնվել է բրիտանացի գենետիկ Ջոն Դաունը՝ իր անունը կրող սինդրոմի հայտնաբերողը։

1868 -Մենդելեևի նախաձեռնությամբ հիմնվել է Ռուսական քիմիական կազմակերպությունը։

1877 - ծնվել է անգլիացի տնտեսագետ Արթուր Սեսիլ Պիգուն։

1892 -ծնվել է վրացի խորհրդային գրող Գալակտիոն Տաբիձեն։

1901 -ծնվել է ամերիկացի գիտնական, վիճակագիր Ջորջ Գելլապը։

1905- կնքվել է ճապոնա-կորեական պրեկտորատի մասին համաձայնագիրը, ըստ որի, Կորեան կորցրել է ինքնուրույն արտաքին քաղաքականություն իրականացնելու իրավունքը։

1916 -ավարտվել է Առաջին համաշխարհային պատերազմի ամենաարյունահեղ՝ Սոմմի ճակատամարտը։

1918 - Լատվիան հայտարարել է իր անկախությունը Ռուսաստանից։ -պետական հեղաշրջում է տեղի ունեցել Օմսկում. Օմսկի կայազորի կազակները ձերբակալել են Ռուսաստանի Ժամանակավոր համառուսաստանյան կառավարության ներկայացուցիչներին (Դիրեկտորիա) և իշխանությունը հանձնել ադմիրալ Կոլչակին՝ հռչակելով նրան Ռուսաստանի գերագույն կառավարիչ։

1920 -ԽՍՀՄ-ում առողջապահության և արդարադատության նարկոմատների համատեղ հրամանով աշխարհում առաջին անգամ օրինականացվել են աբորտները։

1927 -ծնվել է խորհրդային կինոռեժիսոր Էլդար Ռյազանովը։

1945 - Իրանական Ադրբեջանում սկսվել է համայնավարների հրահրած հակապետական ապստամբությունը, իսկ այն ճնշելու ուղարկված կառավարական ուժերը խորհրդային զորքերի կողմից կանգնեցվել են Կազվին քաղաքի մոտակայքում։

1951 -ծնվել է խորհրդային վրաց ֆուտբոլիստ Դավիթ Ղիփիանին։

1954 - գեներալ Գամալ Աբդել Նասերը դարձել է Եգիպտոսի վարչապետ։

1962- վախճանվել է դանիացի հայտնի գիտնական, ֆիզիկոս Նիլս Բորը։

1983- Վրաստանում անհաջող փորձ է իրականացվել գրավել ինքնաթիռ և լ քել ԽՍՀՄ-ը, արդյունքում մի քանի մարդ է զոհվել։

2003 - Մասաչուսեթսը դարձել է ամերիկյան առաջին նահանգը, որտեղ թույլատրվել է ամուսնություն միասեռականների միջև։ Դա տեղի է ունեցել այն բանից հետո, երբ Մասաչուսեթսի Գերագույն դատարանը անընդունելի է համարել սեռական փոքրամասնության ներկայացուցիչների միջև ամուսնության իրավունքը չեղարկելու որոշումը։

Մանրամասները՝ «Փաստ» օրաթերթի այսօրվա համարում