Կինը որդուն շփոթել է բազմոցի հետ ու պատահաբար երեխային հանել վաճառքի
ОБЩЕСТВОԱնգլիական Յորքշիր նահանգի Լիդս քաղաքի բնակչուհին որդուն շփոթել է բազմոցի հետ և երեխային պատահաբար վաճառքի հանել մեկ ֆունտ ստերլինգով, հաղորդում է Leeds Live-ը:
20-ամյա Լյուսի Բեթլը նոր բազմոց է գնել և որոշել է սիմվոլիկ գումարով վաճառել հինը։ Կինը Facebook-ում հայտարարություն է տեղադրել և բազմոցի լուսանկարների հետ մեկտեղ պատահաբար կցել է իր յոթ ամսական որդու՝ Օսկարի լուսանկարը։ «Պետք է, որ այսօր տանեն»,- գրել է նա հրապարակման մեջ։
Շատ օգտատերեր սկսել են զավեշտական մեկնաբանություններ թողնել, թե մայրը որոշել է որդուն նվիրել մեկ ֆունտ ստերլինգի դիմաց և ցանկանում է որքան հնարավոր է շուտ բաժանվել նրանից։ Մյուսներն առաջարկել են երեխաներով փոխանակել: Օգտատերերից ոմանք էլ սկսել են հարցնել՝ արդյոք երեխան լա՞վ է լվանում ամանները և ինչպես է հարմարվում մյուս երեխաների հետ։
«Ես պարզապես ինչ-որ կերպ սխալ լուսանկար էի վերբեռնել պատկերն ընտրելիս: Բայց ամեն ինչ ստացվեց, քանի որ հաղորդագրություններից մեկում ինչ-որ մեկը իսկապես հարցրել էր բազմոցի մասին: Բայց նրանցից շատերը կատակներ էին անում որդուս հրաժարվելու մասին», - պատմել է Բաթլը: