Երեւանում իրար են բախվել «Iveco-ն ու «Mercedes»-ը, վերջինում հրդեհ է բռնկվել. 1 հոգի տեղում մահացել է, կան տուժածներ
ОБЩЕСТВОBFM-ի լրագրողները հետաքննություն են անցկացրել, որի արդյունքում ստեղծվել է երեք մասից բաղկացած վավերագրական ֆիլմ La Famille («Ընտանիք») գաղտնի կազմակերպության մասին, որը գոյություն ունի արդեն երկու դար։
Հայտնի է, որ այս պահին փակ համայնքին անդամակցում է մոտ երեք հազար մարդ, որոնք ապրում են Փարիզի արևելքում՝ զբաղեցնելով ամբողջությամբ բազմաբնակարան շենքեր և իրենց երեխաներին ուղարկում են նույն դասարաններ։ Կազմակերպության բոլոր անդամները միմյանց արյունակից են և կրում են ութ ազգանուններից մեկը՝ Սանդոզ, Ֆեր, Պյուլեն, Սանգլե, Ավե, Մետր, Դեշլեթ և Տիբու:
Լրագրողներին հաջողվել է զրուցել համայնքի մի քանի անդամների հետ։ Նրանք ասել են, որ «Ընտանիքը» երեխաներին դաստիարակում է կրոնական կանոններով, աղջիկները պահպանում են կուսությունը մինչև ամուսնություն, իսկ ամուսնությունները կնքվում են վաղ տարիքում։ Ամուսինները հակաբեղմնավորիչներ չեն կիրառում և դեմ են հղիության արհեստական ընդհատմանը, ինչի պատճառով էլ ընտանիքները շատ երեխաներ ունեն։