5 ամենաաղետալի սխալները, որոնք տղամարդիկ անում են առաջին ժամադրության ժամանակ

Blog.1in.am-ը գրում է.

Լինում է, որ տղամարդիկ սխալվում են։ Երբեմն այդ սխալները ներելի են, բայց ոչ առաջին ժամադրության ժամանակ։ Ինչպես ապահովագրել Ձեզ առաջին ժամադրության ժամանակ ոչխարի տպավորություն չթողնելուց։ Դրա համար Ձեզ կպատմենք 5 ամենատարածված սխալների մասին, որոնք տղամարդիկ թույլ են տալիս առաջին ժամադրությանը։

 1. Հեռախոսազրույցներ

Պատկերացրեք հետևյալ տեսարանը. Դուք նստած եք գեղեցկադեմ աղջկա հետ ու նրբահամ գինի եք խմում, շփվում եք տարբեր թեմաների շուրջ, նա ժպտում է Ձեզ, շփումը թեթև է ստացվում ու անկաշկանդ։ Եվ հենց այդ պահին սկսվում են հեռախոսազանգերը։ Եթե Դուք չպատասխանեք դրանց, դեռ ներելի է, բայց եթե ամեն անգամ պատասխանեք ու մի բան էլ երկար խոսեք, ապա ներում-բեկում չեք ունենա, և աղջիկը կարող է պարզապես հեռանալ։ Եթե անգամ նա չանի դա, ապա խիստ կասկածելի է, որ երկրորդ անգամ կցանկանա ժամադրվել Ձեզ հետ։

2. Հիշողություններ նախկինի մասին

Աղջկա համար առաջին ժամադրությանը չկա ավելի սարսափելի բան, քան անդադար խոսակցություններ ու ակնարկներ նախկին հարաբերությունների մասին։ Նա, այսպես թե այնպես, հասկանում է, որ նախքան ինքը Ձեր կյանքում եղել են ուրիշները, և պետք չէ հիշեցնել նրան այդ մասին, որովհետև դա չի համոզելու նրան, որ Դուք ալֆա արու եք, այլ ընդհակառակը՝ ավելի վանող կդարձնի Ձեր կերպարը։ Ի դեպ, նախկին ընկերուհու վատը լինելու մասին ակնարկները հաստատ Ձեր օգտին չեն աշխատի, այլ մի բան էլ մի հատ մեծ ու յուղոտ «մինուս» կավելացնեն Ձեր կերպարին նրա աչքերում։

3. Ձևականություն

Երբեմն որպեսզի թաքցնեն կաշկանդվածությունը, տղամարդիկ սկսում են իրենց անդաստիարակ կենդանիների պես պահել. կոպիտ հումորներ, գռեհիկ ակնարկներ ու աղջկա սահմանած տարածության արհամարհում, շատ խմիչք ու բարձր վայրի քրքիջ… Այս ամենը միանշանակ վանում է կնոջն ու գրեթե զրոյականացնում երկրորդ ժամադրության հավանականությունը։

4. Կիսովի հաշիվ

Քանի՜ տղամարդիկ են հայտնվել կոտրած տաշտակի առջև այսպիսի անհարմար իրավիճակում։ Հաշվարկները, կաշկանդված ակնարկներն ու անհասկանալի բառաչոցները նշանակում են, որ տղամարդու մոտ պարզապես փող չկա, որպեսզի նա փակի հաշիվը։ Սա սարսափելի բացթողում է։ Պետք չէ դուր եկած աղջկան տանել մի վայր, որտեղ վստահ չեք, որ կարող եք ծախսերը փակել, այն էլ՝ առաջին ժամադրությանը։ Մյուս անգամ նա պարզապես կհրաժարվի հանդիպումից։

5. Համոզել տուն հրավիրել Ձեզ

Երեկոն ավարտին է մոտենում, ու Դուք ճանապարհ եք դնում աղջկան մինչև տուն և անթաքույց համոզում, որ Ձեզ վերև հրավիրի։ Այստեղ երկու եզրահանգում է հնարավոր.

1. Աղջիկը լավ է դաստիարակված, համեստ է, բարի ու, բնականաբար, կհրավիրի Ձեզ թեյ խմելու։

2. Աղջիկը խեղճերից չէ ու կարող է ոչ միայն մերժել, այլև ուժեղ ապտակ հասցնել։

Ենթադրենք՝ Ձեր ընկերուհին առաջին տարբերակին է հարում, ու Դուք թեյը խմելուց հետո սաստկացնում եք ճնշումն ու պահանջում ինտիմ… Ի վերջո, եթե կարգի չհրավիրեք Ձեզ, ապա ոչ միայն կարող եք մոռանալ այդ աղջկա մասին, այլև քրեական պատասխանատվության կենթարկվեք։ Ձեզ հանգիստ պահեք, համբերություն ունեցեք, և ամեն ինչ ժամանակի ընթացքում կստացվի։ Չէ՞ որ որքան ավելի ծանր է աշխատանքը, այնքան քաղցր են դրա պտուղները։