Տղամարդիկ ընդդեմ կանանց. ով է ավելի լավ մեքենա վարում

Shabat.am-ը գրում է.

Ներկայիս մեքենաների ղեկերը թույլ են տալիս դրանք շրջել անգամ մատով, մեքենաները դարձել են առավել հարմարավետ և ապահով, իսկ դրանց վերանորգման ծառայություններ մատուցող կազմակերպությունները վարորդներին ազատել են մեքենան ինքնուրույն կարգի բերելոււ խնդրից: Բացի այդ, բոլոր նշանավոր մակնիշների մեքենա արտադրող ձեռնարկություններն թողարկում են կնոջ մարմնի կազմվածքին հարմար մեքենաներ:

Այնուամենայնիվ տղամարդիկ նախկինի նման շարունաում են բացասաբար վերաբերվել այն հանգամանքին, որ կանայք վարում են ավտոմեքենա: Նրանց կարծիքով կանայք, հատկապես, եթե մեքենայում նստած է նրանց ազգականուհին կամ ընկերուհին, շատ են զրուցում և շեղվում ավտոմեքենան վարելիս: Ինչպես վստահեցնում են տղամարդ վարորդները, կայք, հայտնվելով վթարային վտանգավոր իրավիճակում, խուճապի են մատնվում և բաց են թողնում ղեկը ժամանակին շրջելու ու վթարից խուսափելու պահը: Տղամարդիկ նաև պնդում են, որ կանայք լավ չեն կայանում ավտոմեքենան, հատկապես` ետընթաց երթի կամ զուգահեռ կայանման ժամանակ:

Կանայք էլ իրենց հերթին պնդում են, որ տղամարդիկ վարում են ագրեսիվ և արհամարհում են մյուս վարորդներին: Եվ հետո` երիտասարդ վարորդները կանանցից առավել հաճախ են խախտում երթևեկության կանոններն ու ղեկին շատ վտանգավոր են:

Այսպիսով` ո՞վ է ավելի լավ վարում:

Որոշ կանայք մեքենայի ղեկին, իրոք, շատ են սիրում խոսել կանացի թեմաներով, սակայն դրան զուգահեռ հաջողությամբ հետևում են ճանապարհային իրավիճակին: Այո, կանայք առավել զգացմունքային են և տպավորվող, այդ պատճառով, հայտնվելով վտանգավոր իրավիճակում, տղամարդկանց համեմատությամբ առավել հաճախ են պուճապի մատնվում: Սակայն քիչ չեն նաև սառնասիրտ և զուսպ կանայք: Շատ քնքուշ կանայք անցնում են հատուկ արտակարգ իրավիճակների դասընթացներ:

Մյուս կողմից ոչ բոլոր տղամարդիկ են ագրեսիվ վարում մեքենան, չէ՞ որ կան վարորդներ, ովքեր տարիներ շարունակ չեն հայտնվել ոչ մի վթարային իրավիճակում: Հետևաբար դատել այն մասին, թե ով է ավելի լավ վարում մեքենա՝ շատ բարդ է: Եվ հետո` վարելու ոճն էլ կախված է կոնկրետ մարդուց:

Այնուհանդերձ, վիճակագրությունը ցույց է տալիս, որ տղամարդիկ ավելի հազվադեպ են հայտնվում վթարային իրավիճակում, քան կանայք: Դա հվասար կիլոմետր վարելու դեպքում: Իգական սեռի վարորդները հայտնվում են թեկուզ փոքր վթարներում 10-30 տոկոսով ավելի:

Կանայք, ինչպես ցույց է տալիս փորձը, հիմնականում վարում են քաղաքում, մինչդեռ տղամարդիկ` առավել շատ քաղաքից դուրս: Իսկ ինչպես հայտնի է` վթարների մեծ մասը տեղի են ունենում հենց քաղաքում: Եվ հետո թույլ սեռի ներկայացուցիչներն ավելի քիչ են վարում, հետևաբար մեծ փորձ չունեն և նրանց պահվածքը հաճախ անսպասելի է լինում: