Աղջիկը հին նկարները դասավորելիս պարզել է ընտանեկան գաղտնիքը

Reddit-ի օգտատերերից մեկը կիսվել է պատմությամբ, թե ինչպես է հին նկարները դասավորելիս պարզել ընտանեկան գաղտնիքը: Աղջիկն իր հոր հարսանիքից լուսանկար է տեսել, սակայն այնտեղ հարսնացուն մայրը չէր, այլ մորաքույրը։

Գրառման հեղինակը պատմել է, որ վերջերս մայրական կողմից օգնել է տատիկին դասավորել հին իրերը։ Այնուհետև գտել է լուսանկարների տուփ, որոնց թվում էին իր մոր մանկական նկարները մեկ այլ երեխայի հետ: «Հորս հարցրի, թե ով է, քանի որ մայրս քույր ու եղբայր չունի: Նա պատասխանեց, որ նա կրտսեր քույր ուներ, որը մահացել է վաղ մանկության տարիներին », - կիսվել է աղջիկը:

Մեկ ամիս անց պատմության հերոսուհին մեկ այլ նկար գտավ՝ լուսանկարը հոր հարսանիքից էր։ «Հարսն իմ մայրը չէր, և ես չէի կարողանում հասկանալ, թե ինչու են նկարում նրա ծնողները»,- խոստովանել է նա և հավելել, որ մայրը հրաժարվել է պատասխանել իր հարցերին։ «Հաջորդ օրը տատիկս ինձ ճշմարտությունն ասաց. մայրս քույր է ունեցել։ Նա ամուսնացած է եղել հորս հետ»,- կիսվել է հարթակի օգտատերը։ Ինչպես պարզվել է, պատմողի հայրը ամուսնացած ժամանակ սիրավեպ է ունեցել կնոջ քրոջ հետ։ Արդյունքում՝ պատմության հերոսուհու մայրը հղիացել է։ «Մորաքույրս ստիպված է եղել հեռանալ քաղաքից, քանի որ հայրս որոշել է ամուսնալուծվել նրանից՝ մորս հետ լինելու համար»,- ասել է գրառման հեղինակը։ Նրա խոսքով՝ դեպքից հետո մոր ծնողները 30 տարի շարունակ չեն շփվել հեռացած դստեր հետ։

«Ինձ այնքան զայրացնում է, որ ընտանիքի բոլոր անդամները՝ իմ ծնողներն ու երկու կողմից տատիկներն ու պապիկները, թաքցնում էին ինձանից ճշմարտությունը։ Ես երբեք չէի իմանա այս մասին, եթե պատահաբար չհանդիպեի նկարներին», - դժգոհել է աղջիկը: Նրա խոսքով՝ տատիկը մտածել է, որ ազատվել է կրտսեր դստեր հետ արված բոլոր լուսանկարներից։ «Ծնողներս կարծում են, որ այս պատմությունն ինձ չպետք է անհանգստացնի, քանի որ ամեն ինչ եղել է իմ ծնվելուց առաջ։ Բայց ես համաձայն չեմ սրա, ինչպես նաև այն բանի հետ, թե ինչպես են բոլորը վարվել այս դրամայում»,- եզրափակեց նա:

«Պատկերացրեք` ձեր քույրը քնում է ձեր ամուսնու հետ, և արդյունքում ձեր ամբողջ ընտանիքը լքում է ձեզ», - օգտատերերից մեկը վրդովվել է գրառման տակ գտնվող մեկնաբանություններում։ Մեկնաբանների մեծ մասը համակրում էր պատմվածքի հերոսուհու մորաքրոջը։ Նրանց կարծիքով՝ նրա ընտանիքն անարդար է վարվել իր հետ։