«Մեր 3-րդ հանդիպման ժամանակ արդեն զգացինք, որ միմյանց սիրում ենք...». Նարբե և Աստղիկ զույգի սիրո պատմությունը. լուսանկարներ

ЛАЙФ 25 Декабрь, 2015 15:23

Past.am-ը ներկայացնում է Նարբե Պողոսյանի և նրա գեղեցկուհի կնոջ` Աստղիկ Ալավերդյանի, տարիներ առաջ սկսած սիրո պատմության ամենահիշարժան դրվագները:

Տարիներ առաջ ցուցադրվող «Այսպես էլ ապրում եմ» հեռուստասերիալը բավականին մեծ դիտում ունեցավ հայ հասարակության կողմից: Սերիալում նկարահանվում էին բավականին հայտնի և փորձառու դերասաններ, ինչպես նաև սկսնակ և անփորձ դերասաններ:

Եվ հենց այս սերիալն էլ եղավ նրա համար դեբյուտային. առաջիններից էր, ով նկարահանեց սերիալ: Այս համարջակ ու սկսնակ ռեժիսորը Նարբե Պողոսյանն է: «Այսպես էլ ապրում եմ» հեռուստասերիալի ռեժիսոր և դերասան Նարբե Պողոսյանը, ով նկարահանեց սերիալը դեռևս ուսանող էր.

«Սա, կարծում եմ, իմ կատարած ամենաթույլ գործն էր, քանի որ դրա փորձը չունեի, ուսանող էի: Մենք միանգամից, առանց պրակտիկայի սկսեցինք սերիալ նկարել»:

Նարբեն իր գործունեությունը սկսել է դեռևս վաղ տարիքից: Չնայած նրան, որ նրա առաջին աշխատանքը եղել է ուսանողական տարիների նկարահանած «Այսպես էլ ապրում ենք» հեռուստասերիալը, սակայն այդ աշխատանքով նրա ստեղծագործական ուղին չի վերջանում: Ապագա ռեժիսոր-դերասանը համալսարանը ավարտելուս հետո, սկսում է իր նոր աշխատանքները, նոր հեռուստածրագրերը: Հաջորդը «Ընտանեկան պատմություններն էր».

«Այս հեռուստանախագիծը ուրիշ էր. թե իր ֆորմատով, թե իր գաղափարով, թե իր դերասաններով...»:

Իմ ուժերով եմ ամեն ինչի հասել. ոչ դեպուտատ հայր եմ ունեցել, ոչ էլ՝ օլիգարխ հորեղբայր. Նարբե Պողոսյան

Բոլորս էլ գիտենք, որ դերասանը ամուսնացել է իրենից ոչ պակաս հայտնի դերասանուհի` Աստղիկ Ալավերդյանի հետ: Նրանք հանդիպել են դեռևս վաղ տարիքից.

«Մենք երկար ժամանակ էր, որ ընկերություն էինք անում և քանի որ միասին էլ աշխատում էինք, անընդհատ իրար հետ էինք…»:

Հանդիպում, որը եղավ ճակատագրական, գուցե իվերուստ էր այդպես նախասահմանված: Աշխատանքային հանդիպում, որը վերածվեց սիրավեպի.

«Մեր 3-րդ հանդիպման ժամանակ արդեն զգացինք, որ միմյանց սիրում ենք: Հիմա հաճախ ենք հիշում մեր քաղցր ու գեղեցիկ օրերը: Այն ժամանակ դա այնքան էլ չէինք գնահատում…»: Հարցազրույցներից մեկի ժամանակ ասել է Նարբեն:

Երկար ժամանակ շփումից հետո, զույգը որոշեց օրինականացնել իրենց հարաբերությունները:

«Մենք հանդիպել ենք մոտ 8-9 տար: Երկուսս էլ միշտ մտածել ենք, որ զույգերը պետք է կարողանան ոտքի վրա ամուր կանգնել, առանձին ապրեն ու իրենց ամեն ինչը իրենց աշխատանքով ձեռք բերեն: Ես կարծում եմ, որ մեր քաղաքում բաժանությունների 80-90 տոկոսի պատճառը շուտ ամուսնանալն է: 20-21 տարեկանում չեն հասկանում՝ ինչ բարդությունների առաջ են կանգնելու: 40-50 տարի առաջ կյանքն այսքան զարգացած չէր, հիմա ամեն ինչ փոխվել է: Զույգերը հիմա պետք է մի քիչ հասուն լինեն, գիտակից, որ կարողանան այդ ամեն ինչի հետ պայքարել… Այլապես ամեն ինչ կուտակվում է և հանգեցնում բաժանության»: