1915 թվականից հետո հայերի համար պետք է ակնհայտ լիներ, թե ում կողմից ենք մենք․ Պատմաբան

ОБЩЕСТВО 19 Март, 2022 20:44

Ցավոք, մինչ այժմ մենք ստիպված ենք շոշափել «Արեւմուտք թե Ռուսաստան» հարցը, եւ այս հարցը մեզ պարտադրվում է հենց Արեւմուտքի կողմից՝ որպես օրակարգային հարց։ Այս մասին այսօր, մարտի 18-ին, «Ռուսաստան-Արեւմուտք հակամարտություն. մեր տեղը նոր աշխարհակարգում» համաժողովում ասաց պատմական գիտությունների թեկնածու Ավագ Հարությունյանը։

«Մինչդեռ պատմական տեսակետից Արեւելյան Հայաստանի ազատագրումից եւ Ռուսաստանին միանալուց հետո արդեն 1828-1829 թվականներին այս հարցը մեր իրականության մեջ չպետք է լիներ։ Հատկապես 1915-ին, երբ հոգեւոր ու գաղափարական պլանավորմամբ եւ, ամենայն հավանականությամբ, նույն Արեւմուտքի աջակցությամբ թուրքերը ցեղասպանություն իրականացրին մեր՝ հայերիս դեմ, նման հարց չպետք է ծագեր նաեւ 1915-ից հետո»,- նշեց պատմաբանը։

Նրա խոսքով, մնացած հայերի համար պետք է ակնհայտ լիներ, թե ում կողմից ենք մենք եւ ում հետ ենք մենք։ «Բայց դրանից հետո էլ մենք, այսպես ասած, ուշքի չեկանք, եւ երրորդ անգամ՝ խորհրդային իշխանության այն 70 տարիներից հետո, երբ հայ ժողովուրդն իրոք ապրեց իր ոսկե դարը եւ նորագույն շրջանը, «Արեւմուտք թե Ռուսաստան» հարցը նույնպես չպետք է ծագեր, սակայն գլոբալիզացիայի վերջին 30 տարիների ընթացքում այս հարցը ծագում է բոլորի մոտ»,- նշեց նա։

Հարությունյանը նաեւ պատմեց, որ, ըստ ամերիկացի պատմաբանների հաշվարկների, ԱՄՆ-ում եւ Կանադայում սպանվել է մինչեւ 60 մլն հնդկացի։ Նա հիշատակեց նաեւ տասնյակ միլիոնավոր չինացիների ոչնչացման մասին, որն իր ռասիստական էությամբ նույնիսկ գերազանցում է թուրքերի կողմից իրականացված Ցեղասպանությունը։

Պատմաբանի խոսքով՝ ինքը փորձում է չվիճել Արեւմուտքի կողմնակիցների հետ, սակայն երբեմն ստիպված է լինում դա անել։

«Մեր հանրապետության գոյություն չունեցող տնտեսությունը բացարձակապես ոչ մեկին պետք չէ Արեւմուտքում, Արեւմուտքի պլաններում ընդհանրապես չկան մեր գոյություն չունեցող տնտեսությունը վերականգնելու կամ խթանելու ծրագրեր։

Փորձագետը նշեց, որ հայկական բանակի վերականգնումը նույնպես ներառված չէ Արեւմուտքի ծրագրերում։

«Մեր բանակը վերականգնվել հնարավոր է միայն Ռուսաստանի ֆինանսական, ռազմատեխնիկական, կադրային, բարոյահոգեբանական աջակցության շնորհիվ»,- նշեց նա։